انا جاي افتح قلبي وبجد محتاجتكم -تم الرد

انا راح اابدا بمشكلتي

انا مصابة بالعين او السحد من كم سنة من لم صرت بثالث متوسط وانا الان بثاني ثانوي

حسيت اشياء كتير اتغيرت تجيني ايام ابكي بدون سبب واحس بضيقة قي صدري واحس اني طفشانة طول الوقت

وصرت اتنح كتير وما افهم بسرعة

حتى مستواي الدراسي صار زفت بعد ما كنت من الاوائل
بس المشكلة مو هينا وبس

المشكلة انو في ناس بتكرهني بدون سبب من غير ما ازيهم فجأة الاقيهم انقلبو عليا وصار ضدي
وما يمنولي الخير والمشكلة يقولوها في وجهي

مع اني يابنات ما بتعامل معاهم الا بكل طيب بس ما اعرف ليش بالذات هناك بنت معايا لما انقص بتضحك ولما ابكي بتطل فيا بنظرات استهزاء

كتير قالولي امكن لانها تحس انها اقل منك بس هادة مو سبب يخليها تكرهني كيده يا بنات مرة قبل اختبار قالتلي هادة وجهي ازاحليتي

والله ثم والله اني طلعت من الاختبار وانا سايبة خمس اسئلة واول مرة بحياتي تحصلي من الصدمة ما بكيت ولا عملت شي قعدت ماسكة نفسي بالذات لما خرجت ما كنت ابا ابكي قدامها وهيا تسالني ها كم غلط ؟؟

حسيت انو العبره خانقتني
كان نفسي اقولها انا ايش سويتلك عشان ده كلو
بس مسكت نففسي وسيبتها

صرت اخاف منها
حتى شعري لما علقت عليه شعري خلاص ما عاد هو نفسو صار خششن

ومن كتر ما خشن عن اول قصر والكل يسالني انتي قصيتي شعرك وانا ولا قصيتو ولاشي بس خشن وصار قصير

كل شي اتدهور ماني فاهمة ايش الي قاعد يحصل ومو بس كيده

انا كانت عندي عيون جميلة والكل كان يعلق عليها وهادي البنت وحده منهم وكنت لما احط كحل تتنح فيا وما تنزل عينها

والان والله حولين عيوني سواد غريب وفجأة بيوم طلع السواد هادة وهادة الي صدمني

شوه على شكلي وصرت اخوف وياريت جات ع السواد بس لأ
كمان جاتني حساسية فيها

ورحت بدل المستشفى خمس مشتشفيات ومافي فايدة

صرت ما اطلع ولا اروح مناسبات واتححج لامي باي حجج عشان لا اطلع معاها

يعني من كل الاتجاهات الامور سيئة

صايرة ما اعرف اتعامل مع الناس ما اقدر اركز في شي وانا بتكلم مع شخص لازم اسرح

غصبن عني

حتى الناس صارو يحسوني غريبة
مع اني قبل كنت اجتماعية جدا واحب الناس واحب اختلط معاهم واسمعلهم ويسمعولي وبحبهم ويحبوني

حتى كل زميلاتي كانو يقولي نفسنا نصير زيك
كنت احب نفسي واحب الناس بس الحين ما اقدر غصب عني

وكل يوم اعاني من صداع غريب تخيلو كل يوم بيجيني صداع ومهما اخدت ادوية ما تنفع

نفسي ارجع زيما كنت

نفسي اكون الانسانة الي كنت عليها من قبل ما يحصل ده كلو

والله اني اشتقت لنفسي

بكيت ودعيت ربي يشفيني بس مو حاسة بتحسن

الله يخليكم ساعدوني قولولي ايش اسوي

ايش اعمل انا محتاجة احد يعطيني حل
والله اني اكتب ودموعي على خدي

الي تقدر تساعدني لا تسيبني وتقولي ايش اسوي وراح ادعيلها من كل قلبي