وش اسوي بخطيبي او خطاب خواتي ساعدوني
السلام عليكم
اخباركم خواتي ؟ مبارك عليكم العشر وعسى الله يتقبل صالح اعمالكن
خواتي انا على معرفة مسبقة بشاب لكن معرفتنا والله رسمية جدا ونيتنا زواج وهو على تواصل معي
المهم خطبني قبل شهرين ورفضته لسبب خاص والحمدلله زال الحين هالسبب لكن انا للان على تواصل معه وهو يبغى يرجع يتقدم لي بعد شهر او شهرين لكني رافضه عشان خواتي
ثنتين من خواتي انخطبوا بس للحين ماردوا بالموافقة او الرفض لكن نسبة كبيرة موافقين وامي تجهزهم من الحين للشوفة مع انه ما صار شي بعد بس اشوف فرحة امي فيهم وانشغالهم فيهم اتراجع انه يتقدم لي عشان ما اتعب امي وعشان خواتي يتزوجون ويستانسون ولا نلفت انظار الناس لنا
وانا لما خطبني هالشخص اختي كانت تقول ما هم من مستوانا هالعايلة ولا يعجبني تفكيرهم والحين هي خطيبها منهم وهي كرهتني في خطيبي مع انه والله طيب واخلاقه كويسة وعصامي ما شاء الله
خواتي والله ما ابي اكون انانية ابي خواتي يتزوجون وينبسطون بس احس اني اكسر بخاطر خطيبي كل ما بغى يتقدم اقول اجلها اجلها اخاف يطفش مع انه شاريني ويحبني والله محتارة ارفض خطيبي واخلي خواتي يتوفقون وانا رزقي بعدين بيجيني والا كيف اتصرف خصوصا هو مستعجل
