دخلي وكتبي الاخطاء اللي صارت في الخطوبة اوزواج … حياة اسرية

الموضوع لكل المخطوبات او المملكات والمتزوجات بعد يقدرون يفيدونا بحكم انهم عاشوا تجربتين حفلة الزواج والخطوبة ،،،

ولانها عادة اول مرة فهي لاخذ خبره والتخطيط لليلة العمر ،،،

اكيد كل وحده ارتبكت في التجهيز لحفلة خطوبتها (الملكة ) ولان لاول مرة ومن الارتباك حصل لها موقف او نسيت شي كانت مخططة له ،،،

ومهم او قليل الاهمية جعلها تعمل الف حساب في الزواج او تفكر تتفاداه في حفلة زواجها ،،،

نبي كل وحده تدخل تكتب الخطأ وشلون بتتفاداه وبتتخطاه في الزواج واذا متزوجة شلون خلت حفلة الزواج تتفوق على حفلة الخطوبة من ناحية التجهيز ،،،

وراح ابدأ انا ،،،،

1- الملكة ليلة امتحان <<< خطأفادح جعل معدلي يهبط الى القاع
ورحت الامتحان ما اذكر ولا كلمة ونجحت بالدز ،،، :de43r اي مع ان اول موضوع مع خطيبي قوم روح علي امتحان <<
قمة الرومانسية
وراح اتفاداه ان زواجي راح يكون بعد الامتحانات بداية الاجازة ،،،

2- حجزت قاعة قبل اسبوعين بس من الحفلة فما لقيت طبعا الا قاعة مبهدلة لان موسم اعراس<< وتعقدت
ولا يفوتكم بعد خطوبتي بشهر عدلوها وصارت ازين ههههههههه ،،،
راح اتخطاه اني بحجز القاعة قبل شهريييييييييييييييييييييييييين ،،،

3- نسيت الكيك في البيت وما شلتها لا للقاعة ولا للتصوير في الاستيديو فصاروا صوري بعصير بدون كيكه ،،،
قلت للمصورة انطري شوي راح توصل ما رضت عندها عروس غيري مو فاضية لكيكتي،،، ولتفادي هذا الخطأ راح اشيل الكيكة الصالون عشان ما ينسون يجيبونها ههههههه،،،

4- خطيبي العزيز اقنعني اني ادخل بس نص ساعة واطلع وهو بكمل لي السهرة وبسوي لي حفلة بروحنا
وانا الغبية قعدت ساعة ما جت الساعة 11 الا الحفلة ما فيها عروس طلعت والناس تجي وصديقاتي المتأخرين ما شافوني والفشيلة انمسحت في وجه الماما مسكينة ،،،
ولتفادي هذا الخطأ راح اقعد في حفلة الزواج للصبح لين ينام العريس وبجذي اتخلص من اللي بعد الحفلة …….

يالله بنوتات هذي اخطائي ،،،
وابي تفاعلكم وردودكم عشان نستفيد من اخطاء بعض وتصير ليلة زواجنا احلى ليلة في العمر ،،،،
لانها تعرفون مو مثل حفلة الخطوبة تتعوض هذي ليلة غير ما تتعوض ،،،،

يالله بنات هالله هالله في الردود نبي تفاعل حتى من المتزوجات وشلون خلوا ليلتهم ليلة من العمر ماتنسى

: rose: