طبع فيني خلا الناس تكرهني
السلام عليكم ورحمة الله
عمري 20 الصراحه انا بعد كارهه نفسي عشان هالطبع اللي هو اني دايم اتكلم عالناس وماعرف امسك نفسي واسكت…. يعني اذا تضايقت من صديقتي اروح عند صديقتي الثانيه واحكي لها مضاربتنا…. يعني مفروض ماعلمها واحل مشكلتي بنفسي ..
اكثر شي متندمه عليه لما تضاربت مع وحده من صديقاتي قريب وسألوني صديقاتي ليش ماصرتي تجلسي معها وانا غبيه على طول علمتهم السالفه حتى ماقدرت ارجع لصديقتي اللي تضاربت معها او اتاسف لها لاني تكلمت عنها…
يعني لو انهيت علاقتي وبس عادي لكن متضايقه لاني تكلمت عنها…. صديقاتي مااشوفهم يتكلمو عن صديقاتهم الا انا بس اتضارب مع وحده اروح اعلمهم… وبعضهم الحين يكلموني ومايدرون اني تكلمت عنهم يعني مثل مره قلت ياالله هذي نشبه ورجعت اسولف معها وهي ماتدري…. ترى مو بيدي هالطبع والله اتضايق واتندم اني تكلمت: "(
حتى اختي مرات تحش فيني عند امي وكل واحد يتكلم عن الثاني يعني اكيد الواحد بيتأثر بأهله …هالايام صرت امسك نفسي لما اختي تغتاب اقول اسكتي لاتغتابي ..بس متضايقه على صديقاتي اللي خسرتهم.. وصديقاتي اللي الحين اجلس معهم وانا متكلمه عنهم ماصرت احبهم مثل اول بسبة هالشي …الصراحه احس انه ضعف شخصيه مني اني مااعرف اتجاهل الناس الفضولين اللي يسألون عن المشاكل و جبن مني اني مااتكلم هالكلام بوجه البنت و اقوله من وراها و نفسي اتغير ومااكرر هالشي بالايام الجايه عشان مااخسر ناس اكثر : (
