اخوااتي محتاجه لمشورتكم بمشكلتي…ارجو الدخووول
السلام عليكم ورحمه الله وبركاته…
اخواتي حبيت استشيركم بمشكله ليا..اتمنى تفيدوني برايكم واكون لكم من الشاكرين…لانها مؤرقتني كثير…
انا عمري 22 وكنت متزوجه وكان زوجي ظالم وقاسي ويكرهني بدون سبب مع اني كنت طيبه وعلى نياتي..
بعد عشره اشهر طلقني وانا حامل بالشهر التاسع بدون سبب لدرجه اني ترجيته لايطلقني لين اولد بس بعدين يطلق رفض سمعني كلام وسخ وطلقني..
المهم عشت حاله نفسيه سيئه جدا جدا..ولدت بنتي وجلست عند بيت اهلي عند ابويا لان امي وابويا منفصلين..
شفت انواع العذاب عند ابويا من ضرب وجوع وفصلني من الجامعه وجلست بالبيت …اراد ربي بعد سنه اني اروح لامي روحت طبعا بمشاكل ومحاكم رحت هربانه من السجن اللي عشته..وطليقي كان يعرف بحالتي عند ابويا ولارحمني حتى ببنتي …ساروا هو وابويا عليا ..
الان انا عند امي انا مرتاحه لكن عندي اخويا متعبني شويه وابويا رافع قضيه يطالب فيا …
وطليقي من شهر رسلي رساله انه يبغاني ويحبني وندمان علي سواه فيا..
وقال اطلبي اللي تبغيه …انا فكرت ووافقت وحطيت شروط قال طيب ووافق لكن بعد قتره بسيطه بدا يرجع بكلامه وفي اشياء كثير قال انه تغير فيها واكتشفت انه يكذب…زي الصلاه مثلا قال انه سار يصلي واكتشفت انه للان مايصلي
انا بين نارين…بين اني اعيش عند امي بضغوط من اخويا لانكم تعرفوا كيف نظرتهم للمطلقه وابويا اللي يبغاني ارجعله ويكمل ظلمه عليا..
ولا ارجع لطليقي اللي ماني واثقه فيه ومستحيل احس معاااه بالاماان…
انتظر ردودكم.. واتمنى كل وحده تحط نفسها مكاني وتعطيني رايها بصراحه..
والله يوفق كل وحده ترد ويسعدها ويرزقها الفردوس الاعلى من الجنه…يااارب
اتمنى كل وحده تتخيل نفسها مكاني وتقولي ايش راح تسوي
