يوميات عيلتنا -قصة جميلة

تأليف : تمارا احمد

كتاب حياتي يا عين : ما شوفت زيو كتااااب الفرح فيه سطرين

الام : له له يمااا : شو مالك مكتئب وليش كل هالــ قناني ((ببسي على فكره لا يروح فكركم لبعيد))

عبدالله (وهو الابن الاكبر ) :: ولا شي خلص تركوني بحالي : بدي اضل اشرب للصبح واسمع اغاني اطلعووو براااااا

الام :: ايييي ضريب يسفكك سفك : عاملي حالك زلمه وبطلعلك صوت والله بنادي ابوك اخلي يعجنك تعجين هساا

عبدالله :: يا حول الله ..هو انا شو حكيت خلص اتركيني بحالي

الام :: طيب قوم قوم جيبلنا بكسة بندوره :: وبكيت ماجي عاملين مقلوبه اليوم قوم

عبدالله :: ايييييي بكفيش مدارس وهموم حلو عني منشان الله بديش اجيب اشي هيني بدي اتركلكم هالبيت وانقلع

ريم ( اصغر من عبدالله بشوي ) :: لا لا امانه خليك :- تعز الله طيب يا ابن الحلال خليك

الام :: درب يسد ما يرد

ضجيج وأصوات عاليه في بيتناا كل يوم : وشجار دائم لا ينتهي ابداا

استيقظ حموده من نومه وهو الطفل (حتى حرام طفل : بنشوه الطفوله )

حموده :: :saba7o: ولك عبدالله مالك بتزعبر من الصبح … نفسي يا عالم انام بهالبيت براحه دايما بتصروخو شو هاظ مش عيشه هاي

الام :: خلص يما بكفي صراخ :-o: عبدالله انقلع جيبلنا الاغراض هسا بصحى ابوك وما بلاقي المقلوبه بتعرف انتا شو بصير

ريم :: بس انا ما بدي مقلوبه

عبدالله :: بطلت تعجبك هساااا yaaai يرحم جدك

ريم :: لا يا حمار :-o: بعمل دايت انا

عبدالله :: حمار وفهمتها …ولحالك دايت ماشي لا تسبي :: مبطله تستحي بالمره والله لـلعــ..

الام :: مالكم بتصرخو شو فيه

عبدالله ::تعالي تعالي شوفي اخر تربااايتك بتحكييلي يا دايت انااااا عبدالله على سن ورمح بتحكيلي هاي دايت

الام :: وله كيف بتحكي لأخوكي هيك اه ما بتستحي

ريم :: لا لالا الدايـ….

عبدالله :: شو لا لا yaaai لا تنكري انتي قولتيها وربي لا تشوفي

الام :: من وين متعلمه هالالفاظ اه

ريم:: يمااا الدايـــ …

حموده :: والله من صاحباتها الي دايما طالعه معهم : اكيد بدها تتعلم هيك مصطلحات

عبدالله::والله ما بسكتلها هاي منشان ما تعيدهاا

ريم :: ولكم خلصصصص دايت يعني عامله رجيم مش مسبه

الام:: اه والله … يقطعكم يا حموده وعبدالله شو انكم متخلفين انا بدي اياها تفهمكم وانتوو بتصرخو

ريم :: خلص خلص انا لازم روح هلأ عالجامعه بشوفكم :shy:

ابقو معنا في الجزء الثاني من يوميات عيلتنا