ابي احد يفهمني ويسمعني(ابي نهاية لقصتي)
السلام عليكم ورحمة الله وبركاته..بصراحه مدري شقول بس تعبت وانا ساكته اهملت نفسي وصحتي ودراستي بسبب اني ما اتكلم وما اقول شفيني ولما جيت بقول لاختي(متزوجه واكبر مني) عن موقف صار لي سحبت علي وراحت قعدت ع تلفونها تسولف وامي انا وياها مو حيل مرات ااحس انها مو امي ومرات العكس وابوي يسألني بس صعبه بنت تشكي لابوها وتفتح قلبها له واخواني عادي مرات يكونون رايقين ومرات نفسيه بس المشكله الحين اني احب واحد ويعرف عني كل شي (شكلي-عايلتي-بيتنا.الخ)وتعبت حيل معاه والسبب الشوق قبل كنت يوميا اكلمه الحين هو متنوم بالمستشفى وامس كلمته وقال لي وربي اني كرهت نفسي وكرهت الدنيا قبل فكرت انتحر مرتين وجد مسكت السكين وجرحت نفسي بس صار شي وماقدرت اكمل والمره الثانيه اخذت 12 او14حبه بنادول وماصار شي انا انصدمت والله ماصار لي شي وشكلي بفكر بمحاوله ثالثه وثابته..مرات اتمنى اتزوج اليوم قبل بكره ومرات لا اقول ما راح اتزوج لو شنو بس الحين اذا تقدم لي اللي احبه راح اوافق على طول ومن غير ما افكر بس متى يجي هاليووم
ادري ان مخكم انلحس بس هذا جزء بسيط من همومي
