استحلفكم بالله انكم تقرو قصتى وتنصحونى يا بنات
بسم الله الرحمن الرحيم
السلام عليكم اخواتى كيف حال الجميع ****اليوم حبيت نفتحلكم قلبي لانى خلااااص راح انجن من يلي صير معاى يلاااا ادخلووو معاى لى قصة حبى
انا فتاة طبعااااا ليبية وانا عمرى 18 سنة المهم انى فتاة بجد كنت ضد الحب وكنت مركزة ع دراستى بس المهم ف يوم من الايام جاى لعندى شخص بكل احترام وعبر لى عن مشاعرة بكل صدق وقالى انا فلان وانا اعجبيت بيك ووو الخ المهم بجد انا اعجبيت بصراحته معاى لان من الصعب تلقى شخص يحكى معاك بكل وضوح المهم بديت اتكلم معاه وهو بجد شخص تبارك الله عليه محترم وشخص واضح وصريح المهم لما حسينا اننا لبقيين ع بعض قاالى يا بنت الناس انى نبيك تكونى زوجتى المهم انا ف البداية خوفت لانى حسيت انى صغيرة وفكرت بالدراسة المهم بعدها انا قلتله اوك طبعاا هو قال لى اهله وانا قلت لى امى وهو بكل احترام اتكلم مع امى وعرفهاا ع نفسه طبعااا هو كلم امى لان انا ماعنديش اخوه اولاد ولانه مابيقدر يحكى مع بوى لانه ما يبيش يسبب ليا مشاكل وقال راح ابعت اهلى وكل اهله يعرفو انه يبينى بس المشكلة يلي صار ان الله ماسخرش لانى انا عايشة ف طرابلس واهله ف منطقة بعيدة عليناااا كتير وهو سافر وقررنا ان بعد السفر راح يجو اهله ويلي صاار انه رجع وصارت الحرب فى ليبيا وطبعااا هو ف منطة اسمها* مصراته* والعالم كله يعرف مصراته شنى صارت فيها حرب وموت واغتصاب وكل شي المهم انى 6 شهور ابكى لانه ف الحرب وكل يوم يموتو ف ليبيا بالمئات وانى كنت خايفة عليه اكتر من نفسي و ع كتر حبه ليااا كان يتصل بيا عن طريق الاقمار الصناعية لان كانت الاتصالات مقطوعة والله ما راح انسا الايام يلي مرو علينا وانا نبكى عليه وهو يطمن فيااا ويقولى افرحيلى لو موتت شهيد ومتبكيش عليااا وانا ابكى والله كنت ما انااام وانا ادعي لى الله ان يحميه ليااا والله يا اخواتى احبه حب لدرجة انى فقدت 10كيلو وبديت ضعيفة والله ايام مرت عليااا الحرب من جهه وهو من جها تانية المهم بعد كل هدا انتصرنااا والحمد الله ولكن يلي صااار انه تغييير وهو معدور لان يلي شافه فى الجبهات القتال مش شويا وهو الحق انصاب اكتر من مرة واصحابه واخوه استشهدو وبيته اتكسر كله وو الخ بس يلي صار انه بعد اكتر من 10 شهور مع بعض وكل يلي صار اتصل بيا وقالى انى انحبك بس حاليا منقدرش نتزوجك لان بيت اتكسر و انا قاعد فى الجبهة ومنعرفش شنى راح يصيرلي وشغلى واقف وانى نبي سنة او سنتين حتى نرجع لى حياتى الطبيعية وانى منقدرش نظلمك معاى وانت مرات يخطبوك ناس تانية وترفضى وتستنينى وبعدها مايصيرش نصيب ونظلمك وانى بجد لما اسمعت الكلام هدا ابكيت وقلتله كيف تقول هكى وانى يلي نبكى عليك ويا فلان الموت ما فرقتناش معقولة دنيااا تفرقناااا وانى نحبك ونستناك وو الخ والله يا بنات انى منموت من القهرة والله بجد مش عارفة شنى اندير ومستاحشاته موت وانى راح اموت عليه والمشكلة قولت راح انساه وربي يصبرنى ولكن المشكله ان كل شي يدكر فيا بيه وتعرفو ان اسمه غريب وفى ليبيا مش موجود هلبااا بس يلي صار ان حالياا ف كل مكان نسمع ف اسمه كل يوم نسمع فيه اكثر من مرة وحتى ف تلفزيون نسمع فيه والله راح انجن نبى ننساه ونعيش حياتى بس انحبه والله انحبه وعندى امل انه يرجعلى يا الله والله راح اموت عليه وبدت تصير معايا حاجات غريبة والله اسمه وكل شي خاص بيه نلقى فيه قدامى اه اه مش عارفة شنى اندير والله ندعي كل يوم ان ربي يجمعنا 
والله زعلانه ومش قادرة اكمل حياتى بدونه وهو كمان متعدب اكتر منى وراح يموت عليااااا وانى نعرف بس ظروف هلباااا وصعب نحكيهااا كلهااا بس والله هو شخص ما فيش منه يهبل يجنن حلم كل بنت صاعب وحنون ف نفس الوقت ويحبنى موت ******
شنى رايكم ف قصتى وقولولى انكلمه ف العيد والا لا وللعلم انى قولتله انى مستحيل انخليه وانى معاه بس حبيت انى نعطيه وقت يرتب اموره ونعطى روحى فرصة ممكن ننساه ونكمل بس انى انحبه وحبى ليه والله صادق يا بناات نبي نصيحتكم :rose:
