الكبة على الطريقة الحلبية
مرحبا حبيباتي اليوم انا ساقدم لكم طريقة الكبة المقلية اولا
المقادير: العجينة
500غرام لحمة منزوعة الدهن تماما
500 غرام برغل ناعم او خشن النوع اللي تحبيه
بصلة كبيرة
ملعقة كمون
ملح حسب الرغبة
الحشوة:
500 غرام لحمة
بصلة صغيرة جوز ولوز
فلفل اسود
هال مطحون
قرفة مطحونة
زنجبيل مطحون
اول شي تغسلين البرغل منيح و بعدين تجيبي فرامة اللحمة او ممكن مطحنة جبارة توضعين البرغل مع اللحمة والبصلة والكمون وتطحنيها حتى تصير ناعمة مرة زي العجينة بهالوقت بتكوني عم تحضري الحشوة بتقلي اللحمة وبضيفي بعدين عليها البصل المفروم ناعم واخر شي المكسرات والبهارات وبعدين تعملي العجينة زي الكورة بإيدك وتحطين اصبعك بنصها وتخلي ايدك الثانية تدورها الين يطلع شكل مجوف زي الكاسة وممكن تعمليها اقراص حسب ما تحبي
تحمي الزيت حتى يغلي وتقليها حتى تصبح مقرمشة وصحة وهنا
