الي عندها طفل عنده ضمور تخبرني
السلام عليكم اخواتي
سؤال لي سنتين ادور اجابته بس ماعرفت الاجابه
الي عندها طفل عنده ضمور تخبرني
اعرف ان الضمور يأثر في اشياء كثيره ومن ضمنها العقل
بس في احد عنده طفل مصاب بضمور بالمخ والادراك والفهم عنده زين!!!
بنتي عمرها سنتين عندها ضمور
من مهاراتها تنقلب ماتخلي ولامكان بالبيت الا تدخله وتعرف تروح المطبخ بالانقلاب وتفتح دواليب المطبخ وهي منسدحه وتحب الاب توب يوم تشوفني عليه تنقلب وتجيني ويوم اشيله تبكي تصرفها كله بالتقلب صارت تجلس لوحدها ..اوقفها انا بس توازنها ضعيف بس صارت احسن من اول قبل كانت رخوه ماتثبت رجولها حاليا تثبت رجولها اوقفها بالمسانده بس ماتقدر تمشي
مااقدر احكم على عقلها اكيد انها موزي الطبيعيين بكثير بس لما تشوف ناس غرب تبكي ولما تشوف ابوها وتشوفني وتشوف الداده تنبسط
تعرف تمسك الاشياء وتاخذها وترضع بنفسها..لما امد لها يدي واقول تعالي تمد يدها..لما اناديها مره تنتبه ومره لا..الي يشوفها يعطيها عشر شهور كشكل اما عقلا فانا اشوف انها متأخره.لما اقرا بعض الحالات اقول بنتي ماشاء الله عليها تعتبر حالتها طيبه
تركيزها قبل سنه كان ضعيف جدا لكن سبحان مغيرها انقلب حال بنتي الى انها صارت تركز اكثر
اشوف بعض ردود الاخوات في كثير من المدونة ان الضمور بعضهم اثر في شي معين لكن العقل هذا الي ابي اعرفه!!!
