انا حامل سؤال للدكتورة بشرى
السلام عليكم اخواتي في البداية انا كنشكرك دكتورة على المجهودات لي كتبدلي في سبيل الله لمساعدة الاخوات الله يجعلها فميزان حسناتك..اختي انا فعمري 26 سنة هدا حملي التاني الحمد لله..هدا شهري الخامس لكن مند شهري الثالث وانا احس بصعوووبة في المشي..وحتى ادا صبرت وتمشيت غير نجلس منقدرش نوض غير بصعوووبة وهدا بسبب الام عضلات فوق الافخاد اسفل الرحم ..قالولي الناس عندك بنادم نازل ..انا كنفكر ايلا درت ان شاء الله 8 او 9 شهور كنضن مغنقدرش نوض ..والمشكل الثاني عندي مكان في بطني احس انه مفتوح بحال الفتق حيت منين كنوض بزربة او نبغي نتقلب بالليل كنحس بالم وكانو مكان مفتوح هل ممكن يكون الفتق الله يستر ..ساعديني اختي الله يجازيك الف خير ويرزقك الذرية الصالحة باذن الله
