بلمتنا ينور مطبخنا~المرحلة الاولى~اطباق رئيسية ثلاث انواع
رجعتلكم مرة جديدة
هل المرة اطباق رئيسية نبدا على طول وان شالله رح تعجبكم
وكل الاطباق رح تكون مشوية بالفرن وخفيفة الدسم
الطبق الاول..
اسياخ دجاج بالليمون والحبق
مقادير الوصفة:
فيليه دجاج مقطع شرائط بالطول ,زيت زيتون,حبق جاف,بابريكا,كزبرة ناشفة,فلفل وملح عصير ليمون +برش ليمون,ثوم بودرة,ذرة{اسياخ خشب}
انقعي الدجاج بالخلطة السابقة..مدة ساعة او ساعتين
وبعدها شكيه بالاسياخ بطريقة لولبية
رح تطلع بهل الشكل بعد النضج{بتاخد حوالي نص ساعة}
متل ماشفتوا كانت البطاطا الودجز بجانب الدجاج المشوي
وهلق رح احكيلكم طريقتها بجد يابنات كتير لذيذة ومقرمشة واحلى شي انها بالفرن كمان:)
خلطة النقع نفس تبع الدجاج لكن مضاف لها بكم بودر
بعد ماتقطعيها وتنقعيها شي ساعة حطيها بصينية وتحتها ورق زبدة مشان ماتلزق بعدها على الفرن وقلبيها على جوانبها بنص الشواء..مشان تتحمر كلها
رح تاكلوا منها وبدون خوف من الزيوت
الطبق الثالث: دجاج مشوي بالخردل
المقادير دجاج مقطع ,ملعقتين خردل, بهارات زيت زيتون
انقعي الدجاج مدة ساعة..ادخليهم الفرن بعد وضع ورق الزبدة تحتهم وخليهم عل الهادي
طبعا يقدم بجانب خضورات بس عشان اولادي حطيت كتشب وتشيز صوص
واخر طبق معنا لليوم
قوارب الباذنجان مع الارز الابيض
المقادير:
باذنجان صغير الحبة.لحم مفروم..خضار مشكلة..جبن موزريلا دايت,,ملح فلفل وبهارات
تقسم حبة الباذنجان بالطول مع الاحتفاظ بالراس
تفرغ من الداخل وتدهن بالزيت وتدخل الفرن
نجهز الحشوة بتشويح اللحم مع البهارات واضافة الخضروات المشكلة
تحشى بالخلطة السابقة وترش بالجبن وتحمر
انا قدمتها بجانب الارز الابيض والمسموح به للي بيعملوا ريجيم هو مقدار كاس شرب ارز مفلفل
لهون بينتهي موضوعي ان شالله يعجبكم لانو النت طلع عيني على ماخلصته
الى لقاء قريب باذن الله
تحياتي
