بنت العرب ماهيب لعبه للادنـاس
قصيده على لسان شاعره
ردا على من يتشدقون
بتحرير المراءه
اي والله ان العز للـراس نومـاس
وأنا أشهد ان الذل ماهوب ساسـي
لبست ثوب الطيب ضافي بمقيـاس
ولا الردى مافيـه ثـوبٍ مقاسـي
الله يثبتني علـى الحـق يانـاس
واقدر على ضرب المنافق بفاسـي
ياللي تدافع زايف القـول لابـاس
مـادام قولـك بالرذيلـه يحاسـي
والله ماحركت شعـره ب.هالـراس
الريـح ماهـزت جبـالٍ رواسـي
يامدعي تحريرنا شـارب الكـاس
تبطي عظم ماخالط الـذل كاسـي
حجابنا بامر الولي خالـق النـاس
لاتحسب ان العلـم لعبـة كراسـي
على رواية عائشه وابـن عبـاس
ولا أنت قولك تحت رجـلٍ يداسـي
يلا الخلا مالـك مقـامٍ ومجـلاس
منا يجيك الـرد صـارم وقاسـي
بنت العرب ماهيب لعبه للادنـاس
ناظر مقامك واجتنبهـا ياخاسـي
من نجد حنا من ذهب صافي الماس
لك أنت في روما ولنـدن نحاسـي
ونعلن بصوت الحق وندق الاجراس
في وجه من ينقد ستيـر اللباسـي
(حنا بناتٍ) رابياتٍ علـى سـاس
ماننحني لاهل الـردى والطفاسـي
مثل الدرر ماجابهـا كـل غطـاس
أذكّرك لـو كنـت للحـق ناسـي
