تصبح على خير !!!

هذا البوح الجميل .. وهذا التمكن والتفرد بالمهاره الشعريه .. لشاعر المبدع : زعل الرشيدي ..
؛
؛
؛
تصبح على خير !!!
؛
؛
؛
يا برق ياللي رفيفك بوح وهروج =بأطرف غيم سرى به طول ليله
نوضك يشق الظلام ويطوي فجوج=ويبل كبد السنين اللي محيله
عالي و لك في سماك احلام وبروج=غالي ولك فالعيون اكبر قبيلة
ساري وكنك من الايام مزعوج=يشكي لك الليل هم وتشتكيله
بوحك احسه بقلب من ورا العوج= ومدله كل شوفي يوم اخليه
لقيت ضحكي ودمعي فيك ممزوج=وخايلت فيك الدروب المستحيله
البارحه معك قلبي كنه الموج=يصفق حنايا الضلوع اللي تشيله
نقضت جرح الزمان وحب عمهوج=وبيحت سدي وانا راعي طويله
مالي على اللي مضى غايات وسروج=انكفت يوم اللي غاب خيله
من لاشلع ضرسه اللي صار ملجوج=مارتاح لو شد طول العمر حيله
يا برق لون الشفق بين كما الروج=بشفاه بنت مواريها جميله
لو طول البوح ذوب بالحشاء ثلوج=وحرك نسيم الهوى غصن الخميله
تصبح على خير واللي ضاق مفروج=خلك مع الغيم سبار ودليله

وسلامتكم ..