تعلمنا من الدنيا
تعلمنا من الدنيا مشينا فالحياه دروب
وعشنا الحزن والفرحة عرفنا الهم وأسبابه
لقينا في الزمن غربة لقينا في الكلام عيوب
تغربنا وعنينا من المحبوب وغياااااابه
ضحكنا والألم فينا وعايشنا عذاب قلوب
وشفنا كيف يتعذب وحيد فارق أحبابه
تعبنا من أمانينا وليه تخالف المطلوب
وكن الحظ متعمد يخلينا عاى بابه
محال العمر يتجدد إذا صار الفرح بغروب
وكيف أنسان يتبسم وطيف الدمع بأهدابه
ليالينا ونقضيها على ماحدد المكتوب
وكل أنسان يتقبل من المكتوب ماجاله
نعيش نموت والدنيا يظل حالها مقلوب
ولا ناخذ من الدنيا سوى التفكير أتعابه
