تناساني
مـــــدخــــــــل:
هنا تتراقص أبيات الحب وتغنى سمفوانية الشوق طرباً ،،،،،،
حبيبي ما كفاني في الحضور الصوت و الصوره
و لا طفّت لهيب الشوق ثنتينٍ تحلاّني
سقا الله ليلةٍ فيها القمر غاب و طفى نوره
بعد ما سلّمك – يا نور ليلي – وجهه الثاني
سقا الله يوم كان الحب غصنٍ نقطف زهوره
عسى الريح اللي اومت به تنام .. و يسعد الجاني
حبيبي .. علّها تكبر جروحٍ منك مغموره
نصيبٍ جابني لك .. باتجاه الشمس ودّاني
ذخرت أغلى شعور .. و كل خفّاقٍ و مذخوره
لعينك يالجريح المستريح القاصي الداني
و شلتك داخل الوجدان حملٍ لذّ لي جوره
و لو أشغلتني و أشغلت بي تفكير خِلاّني
أبأولّع لك الدنيا قصايد عشق منثوره
وبأعزف بك نغم للحب يا قيثارة الحاني
عليك عيون ناس و كل قلبٍ ضاق بشعوره
تمنّتك العيون .. و جيت يا عيني تمنّاني
أحبّك .. كيف ما أحبّك .. و أنا اللي لك بنى سوره
على جمرٍ يدفّي بارد أشجانك من أشجاني
حبيبي .. و المشاعر فيك مختاله و مغروره
تدلّل .. و انت في ساحه غلاي اليوم وحداني
و إذا ملّت خطاك الدرب .. مسموحه و معذوره
تناساني .. دخيل الحب .. لو تقدر تناساني
مـــــخــــــرج :
تركت لك حرية الاختيار فماذا تختار ،،،،مع تحياتي شموخ الغامدي
