حال اليتاما اهديها لليتيمه
ارسلت بالخاص فزعتك شماليه رديت ياعونك ولبيه
كتبت وش الخبر من كدر خاطرك نزل دمعتك وعناك
قالت ظروفي اتعبتني وكل ايامي غدت حزن وليه؟؟
قالت مثل ماقالت لغيري مابي ان عجزتي الا دعاك
قالت عن احلام اليتاما اللي قتلها القدر في يديه !!!
قالت امي ماتت ليتني اضمها بهاللحظه بقبرها هناك
قلت الصبر يابنت قالت شماليه خاطري طاب مافيه
قلت استغفري ربك… بعض الحكي ماجاز واشراك
ابو ظلوم ..واخون خبيث زوجته بضربي توصيه
وجسمي تعب يامرت اخوها حوبتهاجعلها ماتعداك
تقول مثل العذارى حلمت ورسمت احلام ورديه
وجتني المقادير تقول بحلامك احسن الله عزاك
قالت بيت خلا من امي ياشماليه وش عاد لي فيه
مثل البحر لاهاج من يركبه يلاقي به موت وهلاك
تقول سكنت بعد موتها غرفتها امانها يمكن الاقيه
وفراشها نمت وحظنته وبكيت عليه بدون ادراك
خاطري لاضاق اتذكر ضحكات امي ابكي واسليه
هذا عودها وهذا مشطها وثيابه بدولابها هناك
قلت يابنت حال اليتاما درب وكلنايوم لابد نمشيه
مثلك يتيمه وكم عناني الحزن اللي تقولين عناك
وكلي للرب امرك صلي له ابكي بصلاتك وادعيه
استودعي للرب امرك رب مايخونك دايم معاك
قالت شماليه قلت ياعونك سمي امري ولبيه
قالت العذر ياختي كان ضايقتك حبيت الحكي وياك
قلت ابشري بي ام واخت وصديقه وماتامري عليه
كل مالاعك الحظ وضقتي لك وقتي ترى الله عطاك
