حسبي الله ونعم الوكيل
ساعدوني امانه والله اني فحاله مايعلمها إلا ربي انا بنت عمري 18 سنه ادرس ثالث ثانوي ..
مشكلتي اعمامي حسبي الله ونعم الوكيل فيهم
انا مسجله ف تحفيظ العصر قريب من بيتنا اروح مع اخواني وارجع مع صحباتي لأن بيوتنا جنب بعض المهم فيوم** كنت راجعه من التحفيظ** وشافني عمي لوحدي سألني وين اخوانك قلت اروح معاهم وأرجع مع صحباتي قال فين صحباتك قلت كل وحده راحت بيتها ايش رأيك كمان اجيبهم بيتنا بعد ..** نزل من السياره وسحبني للعمارة ومسك لي حق المويه كبير وضربني فيه وقالي عشان ما تخرجين ثاني مره بدون محرم !!! وطبعت علامه كبيره وصارت زرقا وسوده وحمرا وبككيت لين قلت لحالي بس** .. امي منفصله عنا من زمان كلمت إخواني قالو مالو حق يضربك ويتدخل فيكي ابوكي عايش ماله شغل واخوكي الكبير موجود هوا المسؤول عنك من بعد ابوكي قالو كلمي بابا ..
أما عمي الثاني ..
بعدها بكم يوم كنت راجعه من المدرسه** المهم نزلت من سياره السواق انا وبنات عمي وزوجته ولما دخلت العماره كان أبوهم نازل إلى هو عمي ولما شافي لابسه نقاب وعيوني باينه ضربني كف قدام الجميع وصار يسب ويقول نازله من عند السواق وعيونك باينه مو متربيه والخ إلا زوجته هدته واخذته لبيته وشردت لبيتنا ابكي زي المجنونه فى حضن اخوي هوا أكبر مني بسنه بس مايقدر يسويلي شي
ايش آسوي ايش الحل معاهم
يناس والله كرهت اعمامي ايش اللقافه إلى فيهم ياريت مسويه غلط كان انطميت بس ماسويت شي وربي كلمت بابا تخيلو ايش رد بكل برود عادي مافيها شي العم والد حتي لو كسر رأسك تحترميهم دول اعمامك على عينك وراسك
