خلك على عنادك وأنا مخليك
هذه قصيدة للي ما يستاهل حبك ويتعبك بعناده,, ويا كثرهم هالأيام ,,
خلك على عنادك إلـى مــن تـملـه
وأنا على عنادك برحـل وخـليـك
بكره تجيني دمع عينك تـهــلـه
وأقول لك مالي بحبك ولا أبـيـك
وش لي بقلبٍ كل حبــه مـذلـه
دور على غيري حبيبٍ يصافــيك
راح الزمان اللي لك القــلب كــله
وراح الغلا اللي لك بقلبي وطاريك
أنسى فؤاد كنــت با الأمـس خـله
مادمت بعـنادك بـديـت بتحـديـك
أنا نسيـت الـدرب ماعــدت ادلـه
دربٍ تجي به أو أنـا فـيـه ألاقـيـك
أنت السبب في كل غلطه وزلـــه
أنت الذي أخطيت حقك ومايجيك
لا تلومني في كـــل ماصــار لله
مالي أنا ذنــب جلبته بيــــاديــك
هذي النهايه من عنادك وصـــله
مافادك عنادك سوى فقد مغليك
وسلامتكم..
