دآم بيتـك جرٍح/وٍفــرٍآشك حصيرٍ …!! عذب الكلم

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه
حِطَّهَا .. بشطرٍ صغير
قال نبدي : شنهو تعريف المُحال..؟

قلت :

خَل هالكلمه فـ البيت الأخيـر ..!

القهر : إن شفت دمعـات الرجال

و الوطن : ( إنسان ).. مِتغيِّر كثير

و الطفل : لعبه على شاطـي الرمال

و الأمل : إحساس في عين الضرير

الوفا : [ قلبين ] .. يجمَعهُم حلال

و الرَجُل : اللـي علـى أهلـه يغير

و الرجا : لا قلت : للواطـي تعال

و الفشل : مدري .. ولكنـه مرير

و الشعر : في وقتنا .. بدر و طلال

زين أوَّل : حيـل يعجبنـي جرير ..!

و الغلا : إحساس إلى حَـد الخيال

و العِشِق : لا شفت مَعشُوقِك تطير

والجفا :إعكس مفاهيم / الوصال

و الوَصِل : يعني تأكَّد .. فيك خير

و العقل : تِسْفَه أقاويل , الجهال

و الخطر : لا صار ما عندك مجال

و البلا : إن صرت معدوم الضمير

و العجب : لا صرت تسأل منهو قال

و التعب : إن كنت تِبْحَثْ عن مصير

الغنى : بالنفس .. ما هو راس مال

و الفقر : من كان .. بـ أعماله فقير

ما أبي تضرب لي في غيرك مثال

قول : عنِّك وإعتبر سِرِّك في بير

لك فرشت القلب مفروش الحرير

في [ بلاد الحلم ]

.. ممنوع العقال

والمصيبه الشعب ما إختار الأمير

وما ألومك .. كان شدِّيت الرحال

دام بيتك جرح / وفراشك حصير

هذا تعريفي .. إلى كلمة : مُحَال

شيء ودِّك فيه ولا يمكن يصير ..!