طبق يجنن المدفونه بالدجاج
السلام عليكم و الرحمه
مساء و صباح الخير عزيزاتي
طبعا عندي طبق رئيسي راح يعجبكم طبعا نحنا يالسعوديات مشهورين بالكبسه وهاذي كبسه جونان اسمها المدفونه
وصدقوني راح يعجبكم
اليكم الطريقه
اولا نأخذ قدر الضغط وندهنه من داخل بزيت كله بعد كذا نقطع البصل
شرائح و نرصه في الضغط بعدها نقطع طماطم و نحطه فوق البصل ونرصه و بعدها فلفل اخضر نقطعه شرائح و نحطه فوق الطماطم ونحط ثوم اذا بغيتي تحطي 2 مرقة ماجي ويمكن وحده
نقطع الدجاج و نتبله في بهارات و ملح و كركم
ونحطه فوق الخضار بالرص وتحطين فنجان شاي ماء بس
وتسكرين الضغط و تحطينه على نار واطيه
وتخلينه 45 دقيقه يأخذين
الرز طبعا قد غسلتيه وتسلقينه مع ماء و ملح وورق غار وزيت وتخلينه
الين مايجي نص سلقه يعني لا تنجحينه خليه حب
شوي لمايزين الدجاج حطي الرز فوقه بدون ما تقلبينه واضغطي عليه واحسبي له7 دقايق بس
وبعدين اقلبيه في الصحن وبالهناء و العافيه
