طريقة سهلة لحفظ الكلمات الانجليزية

كيفكم بنات انشالله تكونون بخير
صراحة هاذي اول مشاركة لي في المدونة و انشالله يعجبكم موضوعي
دايما كنت احاول اتعلم اللغة الانجليزية بس اللي معقد الموضوع هو اني ما اقدر احفظ الكلمات الانجليزية و كل ما احفظ كلمة بعد فترة انسى الاسبيلينغ حقه لييين ما ساعدني اخوي و لقالي هذي الطريقة و انا جربتها و صرت احفظ الكلمات اكثر يوم ورى يوم

ما اطول عليكم هذي هي الطريقة:
1_ اول شي تجيبين دفتر كبير مثل ريكود و تقسمينها صفحات كل صفحتين يكون له عنوان محدد مثل: صفحة للافعال الماضية او صفحة اسماء الحيوانات او الاماكن وهكذا

2_لما تقسمين الدفتر تبدأ تكتبين فيها الكلمات على حسب عنوان الصفحة مثلا: صفحة الافعال تكتبين فيها الافعال و هكذا

3_كل يوم تأخذين خمس كلمات من الدفتر و تحفظينها , تحفظين الاسبيلنغ حقها و نطق الكلمة و تتدربين عليها و تستخدمينها في حياتك اليومية او تكتبين جمل تحتوي على الكلمات اللي حفظتيها

4_لازم يكون معك دفتر نوتات صغير و قلم يكون معك في الشنطة في كل مكان و تكتبين فيه اي كلمة انجليزية تخطر على بالك او تسمعينها او تقرأينها

5_اكتبي جمل بالانجليزية و تدربي عليها في اوقات فراغك و حاولي تتفرجين على برامج انجليزية او اخبار…..