–( عـافــك زمــانـي.. )–

عافك زماني يالغضي واعلن الصد=دامك بديت الصد واعلنت صدّك

من يوم شفت ان الدلع فيك ممتد=غسلت إيدي منك واخترت بعدك

يا صاح .. تحسبني من البعد منهد؟!=لا ياحبيبي .. خاب ضنك وودّك

ترى الخلايق تختلف شكلٍ وقد=لذا يا ليتك تلعب بحسب قدّك

لانك إذا مديت يدك علي مد=ترى النتيجة يلتوي كوع يدّك

هب زين تتمادى وتتجاوز الحد=هذي حدودك والتزم خط حدّك

وان جان هب عاجبك يا صاح هالرد=دوّر على مارد..لقلبي يردّك!!