عندي أمل باكر يجيني وألاقيك……حزينه…؟ قوافي

وأقولك في غيبتك وشجرالي ..

وشلون حزني هدني لين أبكيك

والمح على الدمعه إجابة سؤالي ..

وارجع اكف كفلك دموعك وأراضيك

ويصيرمال لهرج معنا مجالي ..

ماغير أطالع بك وارد النظر فيك

ما ني مصدق حلم عمري قبالي ..

وتاخذ يديني يمنى الروح بيديك

ويقول لي يحلو ذيك الليالي ..

ويقول سمعني وش اللي جرى فيك

هو صدق ماحبيت غيري وفالي ..

وألا لقيت بغيبتي من يسليك

منهي خذت قلبك وحلت بدالي ..

وأقول من غبت وقلبي يناجيك

وزولك ولا لحضه يفارق خيالي ..

حتىوأنا نايم أشوفك وأناديك

وأفز من نومي والاني لحالي ..

أسامر نجوم السماء مع طواريك

وشم عطرك مع هبوب الشمالي ..

وأتخيلك جنبي تسولف وأحاكيك

والناس تحسب صاب عقلي خبالي ..

ياقوة الله وينها بس أراضيك

لو بآخر الدنيابشدد رحالي ..

ماغيراقلب ذكرياتك وماضيك

وش غير ذكرانا وش اللي بقالي ..

مدري متى باكر بجيني وألاقيك

وتشوف بعيونك وشاللي جرالي ..