عيون بنتي…ضروري تساعدوني الله يعافيكم
السلام عليكم خواتي ..سجلت في المدونة عشان اعرض مشكلة بنتي عمرها الحين ثلاث شهور ونص..من ولدتها كانت طبيعية جدا ..بس صار عمرها شهرين لاحظت عيونها غير والبؤبؤ مالها غير ..وديتها طبيب عيون وفحصها تحت التخدير العام..والتشخيص طلع ان في جزء من الشبكية مو مكتمل بنسبة عشرين الى عشرة بالمية والقزحية بعد يعني شكل البؤبؤ مو دائري يعني مفتوح لي تحت بعد وهالشي بالعين اليسرى بس والعين اليمنى سليمة الحمدلله والشي هذا خلقي.وقال ان عندها قصر نظر درجتين تقريبا وانها تحتاج نظارة بعدين ..الحين بنتي عندها اهتزاز بالعينين شي خفيف لكن مرات يصير عيونها تتحرك عشوائي وبسرعة وشي ملحوظ..حتى ان مرات لما تطالع تحت السواد يختفي ..وانا خايفة عليها صراحة واحاتي وايد اذا تعرفون حالة نفس بنتي الله يخليكم طمنوني..وهل الاهتزاز هذا يروح بس تكبر والشبكية الجزء اللي ناقص هذا هل يؤثر على الرؤية بس تكبر..مع ان حالة بنتي الصحية الحمدلله جيدة جدا واحسها طبيعية بكل شي بس عيونها..اتمنى احد يفيدني وجزاكم الله خير
