قصة بنت صغيرونة….تأثرت بشلة مسترجلات…*_* -قصة جميلة

هذي القصة حقيقيه تأثرت واايد فيها فقلت بحطها لكم ..

هي قصة طالبة تبلغ

من العمر 15 سنه تدرس بأحدها مدارس الكويت المعروفة ذات سمعة

لا حول ولا قوة المهم قبل لا ابتدي احب اعطيكم نبذة عن الطالبة

اهي طالبة غير عن باجي الطالبات لانه في داخلها قلب يسوى كل

شيء قلب عاطفي واحساس مو طبيعي وتعترف بأخطائها لكن هم فيها

سلبيـــات وما في انسان كامل ومو عيب انه يغلط لكن العيب اذا غلط

وعرف غلطته وكررها هذا اهو العيب المهم خل اندش بالقصة واقولكم

قصه البنت من اول ما دشت هل مدرسة الخااااايسة:

قبل لا ادش البنت هل المدرسة اللعينة كانت بنت مؤدبة معروفه بضحكها وابتسامتها
وغشمرتها وكانت محترمه ومخلصة بالبيت وبالمدرسه وعند الاهل كانت بنت بريئة ما اتعرف شي من اعيونها امبين انهااا بريئة والبنت تخرجت من المرحلة المتوسطة وفي البداية دخلت في ثناوية معروفه من محافظة العاصمة مقررات واهي المدرسة كانت زينة لكن للأسف كانت درجاتها خافضة اشوي لان مدرستها صعبه فقرروا اهلها يودونها احدى الثانويات في محافظة الفروانية مقررات السهلة ولكن للأسف كانت المدرسة حيييل متسيبه والبنااات اللي فيها اشكالهم اتخرع بصراحة المهم دشت هل بنت الكورس الثاني لسنتها الاولى بثناويه دشت البنت في اليوم الاول من بداية الدوام المدرسي للكورس الثاني وكانت مخترعة حيل ومنصدمة من الاشكال اللي فيها وامها كانت وياها في المدرسة لانها طالبة مستجدة يديدة وكانت تترجى امها ( يماا الله يخليج ابي مدرستي الاوليه ) والدموووع اربع اربع ( يمااا الله يخليج لا تخليني وتروحي ) ( يماا يخرعوون ) المهم الام طبعا ما بايدها اتسوي شي ودشت الطالبة في اول يوم المدرسة كانت تمشي بروحه ما عندها احد وكانت في وقت الفراغ ما تقعد في الكفتيريا كانت تقعد بأحدي الصفوف بروحها وعيونها حمره كلها ادموع وهاذي وكل يوم على نفس الحال لما تقريبا صار شهر على دوام الكورس 2 قامت تتأقلم البنت على الوضع وقامت تاخذ وتعطي مع البنات والابلات وتضحك وياهم وصارت بنت حبوبه ومعروفه بالمدرسة والكل يحبه حتى المدرسات الاقسام يحبونها وايد لانها محبوبه وخووش وحده واللي داخلها نظيف وخلص الكورس الثاني ودشت في السنه 2 الثناوي وكانت هم خووش وحده ومن انشووفها كانت كله مبتسه وتضحك وكانت دايما اتحل المشاكل للطالبات وكانت مرحه حيييل صارت من تمشي خطوة البناااات يكلمونها ويسولفون معاها ويرونها وهكذاااا لي مادشت في السنه الثالثه انعكست حياتها تماما وبالمرة في بداية الكورس الاول لسنه 3 ثناوي البنت قامت تترد وايد على ابلات قسم الاسلامية واهي تحبهم من اول مادشت واهما بعد حيييل يحبونها وكانوا دايما ينصحوونها بالحجاااب ولما البنت تحجبت في 3 يوم اارمضان في سنه 2022 والحمدالله وراحت اول يوم المدرسه بالحجاب والكل افتخر بهااا وقام يباركلها وكرموهاااا بطابور من كثر ما كانت محبوبة وكانت تحرص على ساعتهاا الدوااامية وكانت تحب الرياضة حييييل ومن كثر ما تحب الرياضه للأسف اسمعت انه فيه اشتراك بكره الطائرة بالمدرسة وحبت البنت انها تشترك المهم وصاروا ياخذونهم من حصصهم الدراسية : ( وللأسف من هذا اليوم اللي دشت فيه الطالبة تغيرت تماما 180 درجة تغيرت حيل احتكت في بنات الطائرة وفي البدااايه كانت مصدوومه منهم ومن حركاتهم وكانت حركاتهم حركات
اصبيااان يعني بالعام ( بوويات ) مسترجلين من طريقت مشيتهم ومن قصه شعوورهم
واصواتهم فالبنت انصدمت منهم وصارت تخاااف منهم فصارت تجاملهم وتقعد وياهم للاسف كانوا بنات ذات سمعه السيئة بالكويت عاما مو بس بهل المدرسة بالكويت كلها
وكانوا مطرودين من مدارس 2 لكن البنت انخدعت فيهم وبصراحه هل بنت صج كانت طيبة وحبوبه لكن للأسف اهي كانت مثل الريشه يودونها يمين ويسار وصارت تاخذ كلامهم ووتقبلة مو نفس اول ولما انتهت المباريات تعودت عليهم حيل لان استمروا مع بعض تقريبا شهر ونص مع بعض بالتدريبات و المباريات وحتى في وقت الاستراحة وخذوا ارقام بعض واميلات بعض وصاروا ربع حييل لي درجة تغيرت البنت بالمره وقامت ما تحضر ساعتهاا كانت كل اتمر على الاقسام وبذات قسم الاسلاميه كانت تحبهم حيل ما صارت اترووحلهم وقامت تقط احجابها بالمدرسة وقامت ما تحضر ساعاتها الدراسية وصارت تقعد وياهم وصار بينهم مكالمات لما يا اليوم اللي خذوا عقلها واخدوعها خذوها لعالهم الغريب المهم حنت البنت على امهااا انها تبي اتقص شعرها بووي لكن الام كانت رافضة من البداية وتمت البنت اتحن على امها واتساحله لمن رضت امها وقصت شعرهاا حييل قصير بووي بووي يعني جنهاا اصبي واول يوم راحت المدرسة الكل انصدم منها شعرها وين راح ؟ كان حلوو ليش قصته ؟ امبي من صجهاا هاذي ؟ ووووويع امبي صبيك
كل هل كلام كانوا يقولولهااا لانها تغيرت من طريقه مشيتها وكلامها وشعرهااا فامت كله اتوقفه والخ لما صار الكل يتكلم عنها وهذا كله في الكورس الاول لسنتها 3 ثناوي وفي العطلة الربيع لاحظوا اهلها من تصرفاااات البنت قامت تتغير البنت ما قامت تحط ميكب بالمرة وما قامت تلبس تنانير وصارت دايما تلبس لبس الصبيااان ودايما اتوقف شعررهااا فالام والابوو عصبووا عليها من تصرفاتهااا لانها حيل تغيرت وقالوا هاذي اخر مرة اتقصين شعرج جذي وصار الكل ينقد عليها حتى عماتهااا واعيال عمامها واهل امها كلهم والخ .
المهم بدت المدارس في السنه الثالثة من الكورس 2 طبعا راحت الطالبة والحزن على ويهاا وردت مع البنااااات حسبي الله عليهم جانهم خربووها قرروا انهم يشتركون بالمردشاات وكلاة طائرة مرة 2 وموسيقى يعني البنت الحين لا بالله الله بالخير المهم تصرفاته بالمدرسة تغيرت الحيل والكل مستغرب منها ومن تصرفاااته ما قامت تحضر ساعتهاا حتى الحرمانات قامت توصلها البنت اخلاقها قاعده تتغير مع الابلات وصارت تمشي وتضحك واتعيب يعني ( مصخره ) وصاروا هل بنات يتردوون بمكان عام ( …….)
فقط يوم للبنات قاموا يروحون كلهم وبأستمرار كل اسبووع المهم وهل مكااان حيل خراب وكله بنااات اي شي ويعني الله يستر عليهم ومن اول مادشت هل مكان البنت دشت عالم الغريب واهو عالم ( البوويات ) والطالبه اول مادشت هل مكان هم استغربت
وانصدمت لكن اللي معاها هدووهوا بالها ( اشفيج بي كوول ) ( عادي انتي ما شفتي شي ) ( وناااسه اشفيج مصدوومه ) ومن هل حجي لما البنت تعودت وحبت وحده وعاشرتها وصارت ما اتنااا م قبل لا تسمع صوتها ولا اتقوم الا يوم تسمع صوتها وصاروا حيييل مع بعض والمهم البنت قامت اتقص شعرهااا بنفسها بالبيت من غير ما اهلها يدورن وقامت البنت : ( للاسف تدخن زقاااير وصارت كأنها اصبي وصاروا ما ينادونها اسمها صاروا ينادونها على اسم اصبي يعني كأنها اصبي ومعنا كانت تدري انها قاعدة اتسوي شي غلط وعارفته ومتحسفة بس مو عارفة اشلوون تتحكم بنفسها لانهااا وحيده بالبيت خواتها كلهم متزوجات وعندها اخوو بس كله طالع ولا يدري عنها وامها وابوها موجدين لكن للاسف كله لاهين عنها وتبي احد يفهمهااا ويطلعهااا بالعالم اللي عايشته لكن مو عارفه اشلوووون والابلات ( قسم الاسلامي ما قصروا معاهااا بولا شي لكن للاسف هم ما اقتنعت ) تبي احد يعطيها حل المهم استمرت البنت على الحال وقاموا الاهل يشكوون انه اتقص شعرهااا لانه مو قاعد يطوول كذا مرة اسألت الام البنت ( انا بعرف ليش شعرج مو قاعد يطوول ؟؟ ) والبنت ( لا يماا طال بس انتوا ما اتلاحطون لان كل يوم قاعدين اتشوفوني ) وكل مرة تسألها واتجاوبها البنت والام بصراحة شكت ان السالفه فيها ان ..

المهم شكت الام ان البنت فيها شيء راحت دارهااا ومن غير ما تدري ولا الام تنصدم وما صار دقيقه الا البنت تسمع صراخ امها واخترعت ولا الام اتشووف زبالتها اللي بغرفتها كلها شعر ومقص موجود انصدمت الام واتضل اتصارخ عليها وياه الابوو ويعطي البنت ذاك الطرااااق وكان يبي يكمل عليها بس الام ما خلته المهم الام تعباااانه ومريضه فيها عصب براااسها وما اقدرت تستحمل مصدووومه من الموقف المهم صارت البنت اتجذب على اهلهااا واقعدت تبجي ندماااانه ابي اتقواهم عن البناااات بس مو عارفه اشلوون خايفه المهم البنت ما عندها احد غيررر هل ربع الخمه وصارت تقوولهم وصارت تبجي (لوووووول طالع هاذي من صجهها قاعده تبجي ) ( خخخخخخ اتخاف من اهلها ) ( باجر يصيرون عادي ) ( كلنا اهالينا سووه جذي المهم انتي هدي بالج ) ( تبين زقاره علشان تنسين ) وهذااا الكلام اللي كانوا يقولها المهم عطت السالفو طاااف والله بالخير وانتهى الكورس الدراسي 2 لسنه 3 ثناوي المهم وللاسف في هذا الكورس نزل معدل الطالبة واااايد واهي انصدمت من نتاااجيها المهم سافروا اهلها امها وابوها المانيااا علاج حق راسهااا : ( المهم والبنت ما سارفت لانهاااا خذت صيفي وطبعا ازدااات سووء حاله الطالبة وصارت شيء للاسف يعني صارت مصخره والكل قام يتكلم عنهااا وصاروا البنااات يتلزقون فيهااا وياخذون رقمها ويلحقونها والخ قاموا ينعجبوون فيها بصفتها بوويه المهم اخووها صارله فترة من يمشي صوووب السطح يشم ريحه زقااااير فشك بالموضوووع وصار يرووح صوب دار البنت ويلقاااه ريحه زغاااااير حيل فأهني درى ان اخته تدخن وصارت سالفة كبيرة لما البنت صارت بيزة ما تسوى وطردهااا اخوها من البيت وشالت قشها واقعدت بيت اختهااا واحرموها من المكااان اللي دايما تتردد عليه واحرمووهااا طلعات مع صديقاتهااا وخذوو منها موبايلهااا وخذو الانترنت منها واحرموها حتى من تلفوون البيت وانعدمت الثقة وصارت تمشي اشوي ويعيبووون عليها المهم احرمووها من البنت اللي حبتهااا من كا قلبهااا ودروا اهل الطالبه على العلاقه اللي بينها مع البنت اللي تعرفت عليهااا عن طريت مسجاااتها بتلفوون وصارت البنت كله وحيده والطالبه متعوده ان بكل يوم اتكلم هل بنت وصارت بنسبه لها كل شيء لكن للاسف ما قامت اتكلمهاا وهدووا بعض وصاروا وحده يمين ووحده يسار وراحت المدرسة وشكلهااا حيل متغير امبين عليها انهااا تعبانه وانصدمووا منها لكهم شافووها حاطه شباصاات وتراجي ومو من عواااايدها والله الكل على باله اهي بوويه وانصدموا الهم البنت ما قدرت تستحمل على فراااق حبيبتهاا حاولت البنت انها تنتحر كلت حبووب ورى بعض وبقت اتشق عرجها بالمووس : ( وحرقت نقسهااا المهم وصارت ما اتناااام وصارت ما تاكل ومفتقده امها وابوها متحتاااااجتلهم حيييل المهم البنت حالتهااا صارت لا حول ولا قوه صارت كل تبجي وكل يوم تدعي على نفسهااا وعانت وااايد لكن للاسف من غير جدوى والحين البنت قاعده اطول شعرهاااا ووخرت عن البنااات الي ما يخافوون ربهم وصارت وحده الحمدالله يا رب لكن تبي اشعره والموووت ياخذها : ( من كثر ما اتعبت وبس وهاذي قصتهااا البنت ضاعت وضيعت الثقة علشاااان نااااس حثاله شياطين والعيااذ بالله

الله يهدي اليميع..