قصة زواجي التي تتفطر لها القلوب ههههههههههه
🙂 سلام عليكم كلكم
جيتكم اليوم ب قصة زواجي (تحفه)
ايييي وحده بمكاني اكيد من صباح يومها وهي بتشقق فرح لكن انا ابكي بكككاء ابكي من قلب
الزبده م نمت ذاك اليوم قعدت الليل ابكي .. خالاتي كلهم عندنا ومستانسات وانا ابكي ! كانو يسكتوني بس انا ابكي مابي اتزوج
دخلت غرفتي لميت العابي وانبطحت على بطني عليهم ابكي واحضنهم .. جت امي عندي اخذت الالعاب وقطتهم بالزبالة كالت اننسي انسيييي الالعاب ! شوي اسمع غطاريف ؟ خالاتي وخدامتنا شايلين فستاني(فصلته برى المملكة) وقعدو يرقصون قدامي وبرضي ابكي
……. اهي **يامرارة ذيك اللحظات
جا الصبح الساعه 8 الا الكوافيرات جو ويوم شفتهم صرت اصايح واصكع براسي واحذف نفسي ! محد قدر يقربني او يسكتني
امي كلمت زوجي قدامي قالت تعال المجنونة ذي انهبلت تبكي ! ياناس ابكي من قلب ماتقولون دلع وربي انا ابي امي وهي موب حولي
وجا زوجي وهدايا وكلام فاضي وهجدت انا استحيت بس .. وبدو يجهزون امي وكذا وشوي خالاتي ووحدة ورى وحدة لين اذن العصر وخلصو كلهم الجيش
انا بقيت معي الخدامه تهديني الله يسعدك ياسمياتي حبيبي ! ومسكتني الكوافيرة قالت هاه تبيني بدا بك؟ قلت بدري الله يرحم امك اهربي وقولي لامي عندي ناس ومايمديني اجهز بنتك<< مابي اعرس .
قالت ماقدر والله خصوصا اني مشهورة بشغلي وامك صراحه دفعت لي ماقدر مرة `
.. الله يسعدها سمياتي كلمت خويتي وخويتي كلمت الشله وجوني كلهم يارب تسعدهم
ماهداني غيرهم اما امي سحبت علي وراحت القصر تتفشخر بفساتينها وكشختها
بعد شوي من الفله وكذا قالو خوياتي يالله تجهزي
.. اخذت شور ` مانساه هالشور بكيت فيه ¿ دموعي اكثر من الموية اللي صبت
طلعت وبدو الكوافيرات يشتغلون .. اقسم بالله ياخواتي انهم ماقدرو يحطون ميكب من بكائي .. المهم جا الساعه 10:30 وخلصوني
جاني اخوي الله يسعده حبيب قلبي ، قال يالله ابوي ارسلني اجيبك انههههههههيار
انا على عفاشه فساتي وكبره مدري كيف نطيت على اخوي ذيك االنطه واخمه واصرخ .. اخوي علطول جلسني وجاب منديل لالالالالالاتبكين لاتبكين مكياجك بعدين تخوفين اللي بالقصر يهربون
خوياتي ماتو ضحك على سوالف اخوي (معاي وين مارحت الله يسعدهم)
المهم لبسوني عباتي وكذا .. وتورطت يوم جيت انزل من الدرج حق بيتنا وانا بثالث دور ! والاصنصير خرب هههههههههههههههههههه ياربي ضحكت وانا زعلانه
جيت انزل ماقدرت
اخوي بس شكله تحفه يوم يقول بربط كيسه بحبل وانزلك فيها من فوق
تدرون وش سوينا ؟
قلت بعدو عني انا بدحدر
قعدت عالدرج وصرت انزل ونا قاعده .. مو ل شي ؟ بس انخفض السكر
عندي ولاقدرت انزل
المهم ركبنا السيارة واخوي شغل اغنيه ورفع الصوت وخوياتي فلوها
وانا ابكي
وامسح اول باول علشان لايخرب المكياج
وصلنا القصر
اهئئئئئئئئئ والله يابنات مرارة
… دخلت غرفة العروسة وانطقيت وجوني كل خالاتي و(عمتي) ام زوجي .. كلهم ماهموني كنت ادور امي قالو امك ترحب بخوياتها موب حولك
المهم بغيت ابكي بس كلهم هدوني ضمتني خالتي وسكت .. قعدت شوي مع خوياتي قالو نكته سامجه صرت اضحك وابكي بهسترية اخذت وقت لين رجعت لوضعي الطبيعي
تدرون وش مصبرن؟ اني مخليه الزفه حقتي غربي واللي يسوون الزفه اجانب صغار .. ابوي يشتغل بارامكو وماتتخيلون قديش ترجيته يجيب لي من الشقر عيال خوياه اللي هناك
المهم بعد اتفاقات طلع لي كمن واحد وافقو يعطونا عيالهم <<سلف والله يإن فيهم جمال تبارك الله اول شي يرقصون قدامي باليه .. بعدين زفتي انا اوبرا الكنائس البريطانيه واللي تأذو منه الحاضرين ياخي بكيفي انا ابي كذا
طبععآ عمتي اللي يهديها خربت ام السالفه . امي قاعد تمسكها تقول لاتمشين وراهههها في تصوير فيلم على ارجاء القاعه منبي شي يخرب
انا يوم طلعت وشفت مصورات من اليمين والشمال ومن فوق وآﻵت تخوف .. والمسيقة صوتها عالي
صرت ارجفففففف ومماقدرت امسك البوكيه وطاحت من يدي
وجو خوياتي جري يوم شفتهم بالعباه يجرون جاني ضحك
المهم عمتي صارت تمشي قدامي وترقص على اوبرا 🙁 الناس يضحكون عليها حطت نفسها بموقف غلط
شوي بنص الزفه قالت ليش مازفيتي سالم معك :/ قلت مابي
راحت الست جابت ولدها ودخلته بين الحريم
وانا يوم شفته كني شفت فرعون (كنت اكرهه بشكل)
ومشكله جايينك جري الا ينزف معي . المهم استمر الحال لين وصلت الكوشة وصرت ابكي
صار يطالع فيني مفجوع وشبها ذي
خوياتي يهدوني مافي امل اسكت
اخر شي جاني اخوي وسكت يوم شفته
قلت مابي اروح مع ذا الوحش شوف وش كبره 🙁 قال إني قايل لابوي تعطي اخوي لبعير ليش انا قايلك من اول خذي داوود الشريان تقولين لا
ييييارب تسعده يوسع صدري
بعدها رقصت شوي مع عريس ابو الشباب يعنني مستحي والله انه من جمبها ! وامي ساحبه عليه بس تتفشخر فيني وترقص مع سالم وكذا
رجعت وخلصت الزفه واكثر ماعجبني الشقر الصغار اللي لين الحين ابي اعرف امهاتهم
صورونا وكذا ولا اشوف سالم بدا يتحمس وويلمح للفندق وانا خايفففه .. المهم مدري كيف طلعوني وانا ساكته مثل البسه
ركب
ت السيارة صرت اطالع فيه :°
قال ترى ماكلك ..سؤال طلع مني مدري كيف.. قلت اجل وش تسوي فيني راح الأخخ ميت علي ضحك قال يابت الحلال لاتبكين هي سنه االحياة
قلت والله موب اليوم والله موب اليوم واصيح وابكي. وهو يقول خلاص إنا لله ..لحووول يابت الحلال اسكتي خلاص وفكينا من شرتس
**والباقي غير قابل للعرض
هههههههههههههههههههههههههه . بس حبيت احكي قصة زواجي عشان تشوفون حظي شقد حلو . .. صنفي نادر اتحدا تطلع وحده صارلها مثلي
عاد قريب بنزوج اخوي حبيبي قلبي فديته
ان شأءالله احداث عرسه اعلمكم عليها وقتها
:* بالمرة ادعو لزوجي تكفون عنده عملية بعد شوي
فديتكم الله يحفظك
****استودعتكم الله 🙂
