قصص وبلاوي الاستشوار
قصتي مع المشغل الجديد؟؟
سلاااااااااام
اخبار الحلوين والمزاين>>>مثلها
طبعا صارت معي سالفه امس وقلت خلني اسدحها هنا
بس لاتفوتكم السالفه تراها فله>>> فله ولا عماره
وفيها فائده لكل فتاة معزومة ولكل فتاة مقيمة ولكل فتاة تشرب الديو
وايضا لكل شاب يودي اهله ولكل شاب يلبس نظارات شمسيه قبل لاينام
ولكل مواطن مغترب عن بيتهم وهايت بالشوارع
المووووووووووهم
اخليكم مع هالسولافه
ويابنوتات ادخلوا واستفيدوا مو مهم تردون علي الموهم تستفيدون الرد مارح يفيد لكن اللي يفيد مستقبلكم المهني والمعيشي والهندي
>>>والله مدري انا وش قاعده اهذري
الموووهم
في يوم من الايام النحسه فتحوا مشغل جديد وكان للأسف قريب من بيتنا قالت امي بنروح نشوف شغلهم كانه حلو نتعامل معهم ومن لقافتي الزايده قلت يمه خليها مره وحده نروح لها يوم الشبكه مو شبكة الإتصالات شبكه يعني يوم الملكه>>>لولولولوليش مباركين عرس الا…..
لحظه لحظه
ياشين الرجه لحد يرقص مو شبكتي شبكة بنت خالي أنا توني على العرس
المهم
جاء الموعد ورحت للمشغل وتفاجأت من صغر المكان كأنه قوطي ويمكن اصغر>>> الله يخارجنا
قالت أمي خليها تبدا فيك
وانا على نياتي وافقت وبكل سرورعلى طوول دربيت رااسي مادريت اني اول ضحيه
قالت الكوفيره: أهلين وسهلين نورتوا شو بدكون في عنا بدكير منكير..إلخ
وأنا أقول في نفسي لا لا لا شكلها كوفيرتن منتازه
قالت أمي بنتي تبي إستشوار جلست عالكرسي والإبتسامه تعلو خشتي من قوة الابتسامه جاني شد عضلي في وجهي
المهم جابت الفازلين قلت أكيد بدهن يديها!!ماوعيت الا وهي تلطخ شوشتي ثمن شغلت الاستشوار ومست أم القذله لدرجة اني سمعت صوت الشعره يوم إنقطعت ومغطت جبهتي من قوة المغطه طلعت كتابه على جبهتي>>وصلت حدك الأتماني
مو بس الجبهه حتى عويناتي وصلت أذني>>> معركه
واللي عانيت منه بجد إن الاستشوار يلعن أمه حآآآآر وبنت اللذينه ترصه في راسي لين شبت في جمجمتي حسيت إن مخي من الحراره ساح وطلع مع إذني
ولا بعد الكوفيره متحمسه تسحب راسي مره يمين ومره يساره وكل شوي كامختني طرررخ بالفرشه وأنا أي أح أإح أي ومازالت تلطخ من الفازلين يوم توهقت قالت
شعرك أصير=قصير ومو متساوي
وأصلا أنا قاصه قصة الفراوله وهي شكلها ماتعرف الا الكاريه>>> كح كح فيه اقدم
وأنا ساكته ابيها بس تخلص يوم خلصت وتمشط شوشتي عفوا قصدي لزقت شوشتي على جبهتي صرت كني زيديه ومن الفقش الزايد تقول بتجنني وأقولها مشكوره وأنا في نفسي أقول >>>على ترراب يابنت الذينه
بس أبي اطلع بأي طريقه قبل ماتصلع بي قسم بالله خانقتني العبره وأحاول ابلعها وابتسم والدمعه مدقره
واروح البيت كعابي وادخل على اختي وبنات عمو تسدحوا من الضحك ورحت أخذت مكعبات ثلج وحطيتها على راسي ابي ابرد على جمتي المسكينه وبسبب هذي الكوفيره الخايسه جتني حاله نفسيه من الأستشوار اليوم سمعت صوت المكنسه وانهبلت أحسبه الاستشوار وتقديرا لحالتي قرروا هلي إستعمال مكنسة الخوص بدال الكرهبائيه قصدي الكربهائيه
يووووه ترا بطقني لو مانطقتها صح الكه كه كه كهربائيه
بس عالأقل سالفتي أهون من سالفة اختي قسم بالله كل ماأذكرها افطس ضحك راحت لمشغل نفس الشي أول مره تجربه كان عندها مناسبة زواج
المهم
هالكوفيره استلمت اختي ومعطت شعرها لين قالت العيد باتسر
يقالها بتسوي تسريحتن صاحيه وماخلت توتسه مدري بنسه
الا وغزتها في راس اختي
واختي استغربت انها ماحطت حشوه لأن التسريحه رفع لازم هالحشوه عشان تصير التسريحه منفوخه وحلوه اختي ماقالت شي وخلتها على راحتها يوم خلصت ناظرت اختي المرايه وتلمح ذيك الفرقه في راسها من طولها تقول طريق الأفلاج وتدور التسريحه مابانت لأنها مرصوعه
وتطرطع عليها اختي قالت: وش ذا تلعبين علي وش بلا تسريحتي مرصوعه أنا ابيها متفوخه
قالت الكوفيره وهي معصبه
بينوا بي سا تمو طن طاع
الترجمه
خليها شوي وبتنتفخ>>> صلخه قويه
قالت ختي وش اللي شوي وبتنتفخ لايكون حاطه فيها بكينج بودر>>> شبت فيهاههههههه
ياقلبي عليها اختي غسلت شراع هالفلبينيه ويا وجهها تسنه نسافة ددسن هع هع هع
الله يرجني أعرف اذب ياحلو ذباتي وياحلوي حلواه
امواااه تراني أحبني>>> بتطول حالتك
لا بلف يمين
كخخخخ>>> ماكله لحم قطو
ماتلاحظون انكم فليتوها يالله أرقدوا ماله داعي أتفلت عليكم ويروح بعد التفلت ضحايا .
وبعد هالمعاناة مع الكوفيرا حرمت اروح لها مرتن اخرا
اصلن كرهتها من كل قلبي غير الهواش اللي جاني لاني قصيت شعري
هم شعليهم شعري وبكيفي>>> اعصابتس
ان شاء الله تكون عضه وعبرةللكل عشان مايروحون أي كوفيرا
والصبيان ما يودون خواتهم للمشغل >>> نذله
وبص
القفوا التحيه
(الموضوع منقوووووووووووول)
