للمغربيات الي متزوجين سعوديين للاجل الله دخلو
السلام عليكم الله يخليكم نداء مني لكل مغربية متزوجة سعودي تنصحني انا سني 19 منين كانت عندي 17 تعرفت بسعودي على الانتيرنيت ومن بعد 3 ايام جا عندي المهم هد الانسان بغيتو من كل اعماق قلبي وجا اخطبني مع عائلتي تعلقت بهد الانسان حتى لوحد لحد كبير لي لقيتو فيه مالقيتوش فامي وفعائلتي الحنان كنت كنحس بلي هو اغلى انسان كنملك فهد الدنيا وما زال هد الاحسان عوضت فيه كل الحنان والحب الي تحرمت منو كان كيجي كل شهر ولاكن النهار الي جينا نتزوجو فيه اكتشفت انه متزوج من قبل وعندو 3 الالاد الله يحفضهم ليه وهد السبب قلب حياتي وغير بزاف دلحوايج مقدرش نتزوج بيه محيت خاصو يجيب رخصة من السعودية وباش ياخدها خص مراتو توقعلو وبقات حياتي متعلقة بتوقيع ديك السيدة جا هو وقالي نمشيو لمصر نتزوجو تترددت شوية ولاكن محيت كنبغيه وافقت مشيت للقاهرة والمحام الي كتبنا العقد كان صحبو محامي في محكمة الاساناف وعليه الطابع ديالو المهم انا جبت جواز سفري وهو جاب زواج سفرو وتصاور ومضيت وكانو2 ديال الشهود 
خدينا العقد ودخل بي ونا كنت تايقة فيه قالي هد العقد منين غادي نولدو ولادي غاياخدو سميتي وما كنتش كنشرب الفنيد ومحملتش ولايني وقيلا ربي دار في خير محيت البارح تصدمت منين جات عندي صاحبتي وقاتلي نمشيو نديو العقد لموتق كانت صدمة كبيرة هد العقدي ما شي رسمي مكيضمنليش اي حق من الحقوق وهد العقد هو وعد بالزواج وماشي زواج وهدا العقد ماكايعطيني لا حق النسب لاولادي او ارت المهم انا هد الانسان بغيتو هو لداتو وما عندي ما ندير بفلوسو انا شاكا واش كاين بصاح عقد وحدا خور مازال كيتصوب في المحكمة او لا لا انا عايشة فالمغرب وهو دابا 3 شهور وهو فسعودية لانه مريض بزاف وفتح عملية دابا راه مع مراتووكيراسلني مرة مرة شنو غاندير البنات انا باغا نمشي السعودية كيفاش نقدر نمشي ساعدوني انا بنت بلادكم لاجل الله
