ليالى لبنان بأسهل طريقة من مطبخ الشيف مونى بالصور
السلام عليكم ورحمة الله
كل عام وانتم بخير
المكونات:
كيلو حليب
كوب سكر
كوب دقيق سميد
2 ملعقة صغيرة ماء ورد
للتزيين:
سيرب(السيرب هو نفسه القطر او الشربات او الشيرة)
كريز
فستق مجروش
الطريقة
هنحط كل المكونات مع بعض فى كسرولة ماعدا ماء الورد
ونقلبهم على البارد ونشغل عليهم نار هادية ونفضل نقلبهم لغاية مادقيق السميد يستوى ويتكاثف الخليط
نطفى النار ونضيف ماء الورد ونحط الخليط فى صينية مدهونة
نحطه فى التلاجة لغاية مايجمد وقبل التقديم نقطعه ونحط عليه السيرب
بالنسبة لليالى لبنان فيه ناس بتحط مع المكونات بيضة بس انا شايفة ان كده احلى وفيه ناس بردو قبل التزيين بتحط قشطة بوك بس زى ماقلتلكم حبيت اعملها بأبسط طريقة وممكن متحطوش سيرب حسب رغبتكم
وده شكلها بعد التزيين
يارب موضوعى البسيط ده يكون عجبكم
