محتارة بين اهلى وجوزى ساعدونى ارجوكم
السلام عليكم ورحمة الله وبركاته
بالله عليكم ساعدونى ونزلوا موضوعى لان دى تانى مرة اكتب ومش بينزل ليا حاجه والله محتاجه لكم لانى فى حيرة صعبة اوى ومش عارفه اتصرف
باختصار انا عندى22 سنة ومكتوب كتابى من 4 شهور وجوزى من اسبوعين طلب منى البس النقاب وانا فكرته بيهزر معايا لانه عارف انى مش عاوزه البسه المهم فوجئت لقيته بيسالنى هتلبسيه امته فعرفت انه كان بيتكلم بجد ووقتها معرفتش اتصرف لان انا نظرى ضعيف شوية وبتخنق من اقل حاجه وهو مصمم البسه يعنى البسه فاهلى عرفوا الموضوع ومعترضين انى البسه ووالدى قال لجوزى بنتى لسه فى بيتى وانا اللى احكم عليها اما تجيلك بيتك احكم عليها وطبعا جوزى زعل وقال انى كسرت كلمته مع انى والله قولتله انا مقتنعه بيه بس مش عوزه البسه الوقتى عوزه ااجله شويه حتى لبعد الجواز بس هو رفض والوقتى بيقولى انتى عصيتينى وحرام الست تعصى كلمة جوزها وانا محتارة مش عارفه ارضى مين ولا مين جوزى قالى بسبب المشكله دى فى حاجز كبير بينى وبينك ومش هيتعالج الا لو لبستيه عشان ترضينى وانا اللى هقولك تقلعيه لان خلاص مش عوزك تلبسيه بس ارضاء ليا البسيه فترة واقلعيه عشان احس ان كلامى اللى مشا مش انتى وانا محتارة قولولى اعمل ايه
انا بيجى فى بالى اقنع بابا انى البسه فترة واقلعه عشان ارضى جوزى بس عارفه ان بابا هيرفض وفى نفس الوقت نفسى ارضى جوزى لانه قالى كلمه صعبه اوى انا مش مسامحك ولا راضى عنك وشوفى عقابك من ربنا لانك الوقتى فى حكمى انا ومراتى انا
جوزى الوقتى خدها مساله عند مع اهلى انى البسه واسمع كلامه
وبالرغم من كده انا عارفه ان حرام البس النقاب واقلعه وعليا التزامات كتير لو لبسته وحاسه ان مش هعرف اكون ادها عشان كده مش عوزه البسه وفى نفس الوقت عوزه ارضى جوزى ووالدى ومش عارفه ازاى ارجوكم ساعدونى حتى لو بدعوه منكم
