هل المشكله في انا ام في خطيبي؟
انا ملكت على زوجي من حوالي شهر واكلمه في الجوال بس مشكلته انه يبدأ شغله الساعه 7ويخلص باليل الساعه 10هو يشتغل في وظيفتين
وطول اليوم مايكلمني وحتى لوكلمني يكلمني 3او 5دقايق ويقفل وقبل ماينام الساعه 11 يكلمني بس مااقدر اقول كلمتين على بعض من كثر مايتثاوب في اذني هو صح يرجع تعبان بس المفروض يضغط على نفسه ويكلمني وانا ليه شهر وانا عاذرته بس طفح الكيل وهو يقول انه مقصر معي في اتصالاته وانا اقول لا انا عاذرتك وانا حساسه جدا ابغاه يهتم فيني طول الوقت واعرف البنات غيري طول فترة الملكه الجوال ماينزل من اذنها ايش معنى انا هذا السؤال الي يجي في بالي دائما وهو مايجينا في البيت من يوم ماملكنا ولمن اقوله تعال يقول ابوك مانع انه اشوفك ليه اجي وهو شافني وقت الملكه وطار فيني انا اشوف المفروض اني يجي مش لازم يشوفني واحنا مو ساكنين في نفس المكان
يمكن تعتبروا مشكلتي تافهه بس مالي غيركم تنصحوني او تقولو كيف اتصرف معاه على فكره هو ولد عمي ونحب بعض من قبل الملكة
