نفسيتي تعبانة
السلام عليكم خواتي
يا بنات انا بالحيل تعبانة حتى مو قادرة ابكي احني يأست
انا احب واحد ضارلي سنتين وهو يبيني وحاول كذا مرة يتقدملي بس اهلي رافضينه عشان قبيلته
و هو انسان مافي منه ومامقصر علي بالشي
انا حاولت مع عمي و جدتي و خالتي والكل يقول اهلج غلطانيين اذا الولد ما ينعاب مفروض يزوجونج ياه
وانا كلمت ابوي مرتين حتى امي وقالتلي ارجوج ارجوج ارجوج الا هالموضوع امي تترجاني !!!!
حسيت بحرقة وانكسار في داخلي من هالموقف ان امي تتطلب مني كذا وانا ما ارضاها علي انها تترجاني
الولد ترك دراسته عشاني و اشتغل في مكان بعيد عشان يكون مستقبله و جمع مهري ولحد الحين مع رفض اهلي بعده متمسك فيني وانا اللي ضيعت مستقبله
بس الحمدلله حصل وظيفة ثانية وراتب حلو و مو بعيد
انا عمري 24 بعد اشهر بدش 25
خاطري اتزوج حالي من حال البنات ابا اشوف اولادي و اعيش معه ما اريد اغلط
الزواج نص الدين و ستر للبنت و بصراحة احيانا اشتهي و خاطري اتزوج ودوم ادعي ربي ان يكرهني و يبعد عني الشهوة لحد ما اتزوج بس هذي فطرة في الانسان
يا بنات ارجوكم ادعولي ان اهلي يوافقوا ما قادرة اصبر اكثر مر سنة ع رفضهم و اخر مرة حاولت معهم قبل 3 اشهر
انا دوم ادعي و استغفر واطلب ربي ان الله يهديهم و يصبرني
محتاجة دعواتكم بنات وربي يفرج ع كل بنت و يسعدها ان شاء الله
