وعدني بشقة كامله وصارت غرفة ودورة مياه ؟؟؟؟؟
مساء الخير
وشلونكم
ضايق صدري ل أبعد درجه
خطيبي واعدني بشقة كامله بيسوي لي ببيت اهله انا طبعي مابي اعيش لحالي وﻻ احب اخاف بس كنت ابغى كل شيء لي مستقل لو ينقص مطبخ مابتعرض عادي لاني مو ذاك الزود بالطبخ
ولما رحت اشوفها واودي اغراضي تفاجأت انها غرفه بس وصغيرة تمشي حالها وحمام وانتو بكرامة اللي بالمحطات والاستراحات احسن منه بواجد ؟؟!
تاخرت بشوفتها ﻻني كنت اجهز واستحيت اطلب منه قالي هو على ماخلصها بوريك
ضاق صدري حسيت اني ما اسوى شيء يكفي انهم حرموني من اشياء كثير وتنازلت عن اشياء كثير بس عاد مو للدرجة ذيء وربي صكت فيني الدنيا زواجي بعد يومين واحس مابي اروح احس كرهته وكرهت بيتهم وانا عندهم جاملت وضحكت بس الدمعه بعيني
طيب ليه كذا انا مو ناقصني شيء عشان يحرموني من كل شيء
المشكله كان يحلف لي انه بيسوي شقة من الى طيب وينها والحين يكلمني مارديت ماني مشتهيه ارد ليه كذا يكذب علي هذا بدايتها ؟؟؟
احس وربي من خذيته وهو مسترخص فيني كل شيء حتى هدية ماقد قدم لي ليش طيب ليه حظي كذا انا قنوعه وارضى باي شيء والله بس ليه ماصارحني ليه يخليني انصدم
مع انه والله مو ناقصني شيء وتوي صغيره 19 سنة ليه ماقد فرحني بشيء
يمين بالله اني ببيت اهلي غرفتي اكبر من الغرفه اللي حطها لي مرتين
ودورة المياه اللي لي احسن من اللي حاطها لي با ألف مره
متضايقه لا أبعد درجة ماني حاسه ب فرحه ابد جد حبيته بس ماني حاسه انه مستعد يصرف علي او حتى ينفذ لي اقل طلب اطلبه منه
حتى العرس صرت اتخيله من الحين انه مخيس ويفشل ماودي اجيه واحضره
الله ماهو كاتب لي اشوف السعاده والرضا بحياتي
عمري ماتمنيت شيء وتحقق لي كامل والله عمري مافرحت من قلبي وانبسطت بشيء يقنعني جد
استغفرالله واتوب اليه
