مفرش السرير الفرو من صنع ايدك ورخيص جدا
حبيباتي اقبلوا تحيتي
انا اسفة معنديش صور لكن والله انا عملت المفرش الوش ستان والوش فرو وطلع احلي من اللحاف الفيبر اللي بيتباع دلوقتي المهم:
1- تجيبي 3 متر فرو و 4 متر ستان لان القماش دة العرض عرضين وافرشيهم علي السرير وشوفي قبل ماتخيطي
2- تجيبي 2متر دانتيلا او اورجانز من عند الخردواتي برضه
3- تخلي العدله بتاعت الفرو في وش العدله بتاعت الستان وتخلي السنان مطرف شويه عن الفرو من الناحيه اللي هتبقي نازله عن السرير حوالي 30 سم وتخيطي الحروف مع بعض او الجوانب الا جنب واحد
4- تعدلي المفرش بعد ما تخيطي الجوانب من الجنب المفتوح وتتني حروف الجنب المفتوح علشان ما ينسلش
5- تركبي الدانتيلا علي طرف الستان النازل من السرير بطول السرير وبكده تستخدميه مفرش للسرير صيفا و في الشتاء تحطي جواه اللحاف القديم وتتغطي
يارب الفكرة تعجبكم والمرة الجايه هجبلكم الصور ارجو الرد
