التصنيف: مشكلتي

حياتي

السلام عليكم ورحمة الله وبركاته

…..

لقراءة ردود و اجابات الأعضاء على هذا الموضوع اضغط هناسبحان الله و بحمده

مشاكلي جدا صعبه … ابي اتووووب .. بس كيف ؟؟

السلام عليكم ورحمة الله وبركاته

السموحه ع الاطاله

لقراءة ردود و اجابات الأعضاء على هذا الموضوع اضغط هناسبحان الله و بحمده

زوجي هد حيلي

السلام عليكم ورحمه الله وبركاته
بدخل ع الموضوع على طول أنا عمري 20 وزوجي 25 لكنه تفكيره غريب احياناً احسه اكبر من عمره واحياناً أحسه بزر المهم انا توني والده وفي النفاس زوجي الله يهديه تعبت وقلتله يوديني المستشفى وهو كان عليه دوام اليوم الثاني في مدينه ثانيه ولازم يمشي قبل الفجر المهم جاني وهو زعلان اهلك ليش مايودونك وكلام ماينقال واهلي لو فيه كانوا ودوني مايقصرون بس مافيه احد وهو عارف وصار يسبني وانا توي والده وتعبانه حتى مشي مااقدر امشي من الخياطه ويقوللي يارب تموتين وانفك منك والله يلعنك ويلعن يومك وكلام كثير وكله وسخ انا نزلت بيت اهلي وانا ابكي من الكلام اللي سمعته وبعدين شافني بابا وانا ابكي وطلعله وتناقشو كثير المهم قاله انا ترا بتزوج لو بنتك ماتركت الدلع يحسبني اتدلع لما ابغى اروح المستشفى وزوجي هذا دايما لما ازعل منه كلامه وسسسخ جداً ومايحترمني يشوفني صغيره وله اسبوع اللحين ماكلمني مسوي زعلان ياناااااااااس تنصحوني اتطلق منه وانفك منه والله مافيه شي زين بخيل و دائماً ريحته عرق كرهتتتته

لقراءة ردود و اجابات الأعضاء على هذا الموضوع اضغط هناسبحان الله و بحمده

حسبي الله ونعم الوكيل

ساعدوني امانه والله اني فحاله مايعلمها إلا ربي انا بنت عمري 18 سنه ادرس ثالث ثانوي ..

يناس والله كرهت اعمامي ايش اللقافه إلى فيهم ياريت مسويه غلط كان انطميت بس ماسويت شي وربي كلمت بابا تخيلو ايش رد بكل برود عادي مافيها شي العم والد حتي لو كسر رأسك تحترميهم دول اعمامك على عينك وراسك

لقراءة ردود و اجابات الأعضاء على هذا الموضوع اضغط هناسبحان الله و بحمده

قصتي في كلمات

السلام عليكم ورحمة الله وبركاته
بحكي قصتي في كلمات واللي عنده حل لي بليز لا يقصرر
عمري الان 27 سنه بنت امي الوحيده .. ماعرفت بحياتي اب ابدا .. في مرحلة المتوسطة بدأت بعلالاقات سريه مع ذاتي ما كنت افهمها ولا قدرت اسال عنها لان بطبيعتي ماعرف انو في شي غريب لجل اسال عنه طبعا مرحلة المراهقه وبدايتها واجهني واقع زواج امي من رجل جدا طيب بس كنت اخجل منه وما اعطيته فرصه وسفرها لمنطقه بعيده شوي عني .. واجهت هالمرحله بروحي وقبلت تحدياتي ومشيت روحي فيها( بنيت اسس ضعيفه لنفسي بس تمشيني ) طبعا صارت مشاكل بمرحلتي المتوسطه وخووف من كل شي وصرت ابتكر اسباب لغيابي عن المدرسه .. وادور احد الفت انتباهه .. دايم اروح للمشرفه الاجتماعيه ابكي وانام عندها وبعدين اخذت حبوب اعطتني اياها الوحده بمدرستي ووقفت هالمشكله بان المشرفه ارسلت عمتي اخت ابووي تشرشح اهل امي انو مقصرين باهتمامهم لي ..
رجعت للصراط المستقيم فترة الثانويه ورجعت لحالتي الطبيعيه وكانت امي رجعت ودرست بنفس المدرسه اللي تدرس فيها .. يمكن هذي كانت اكثر مرحله استقريت فيها نفسيا بعد سنه توفى زوج امي ورجعت المشاكل تخيم علي .. بعد فترره من وفاته صارت مشاكل بين امي وخالتي وصادقت بنت بمدرستي وكنت احكي لها كل شي ..
خلصت الثانويه ونفسيتي ابدا ماتأهل وخصوصا اني وقفت عن الاختبارات وقررت اعيد اخر سنه عشان احصل مجموع بس خالي دخلني اختبارات تخلف وعدني يدبرني ادخل الجامعه ..
طبعا خالي سبب لي معاناه من كنت صغيره يناظرني بنظرة استحقار،
لما يكون عندنا اختبارات ياخذني انا وولده يدرسنا بس للاسف يشرح لولده ويعطيني اساله من كتاب المرحله الخاصه بولده ( كنت اكبر من ابنه بسنه ) وفي فترة المراهقه كان دايم يهزأني على كرشي (كان طبيعي في سني مع ذالك الله يسامحه ) في مرحلة البلوغ اضطريت اسوي رجيم عشان افتك من تعليقاته ..
نرجع لمحور حديثنا .. تخرجت من الثانوي بنسبه مش ولا بد والتحقت بعد ترم بالدبلوم .. اخذت جوال امي وكنت ارد على الازعاجات اللي كانت تجيه بغضب .. ومره من المرات رديت عالخط وكان ولد صوته مره يطمن هاوشته وقلت له خمسين اتصال باليوم مو حاله وربي عيب .. طبعا الولد قالي ردي السلام وبعدين افهمي الحكايه انا اخذت رقمك من اخوي وعرفت انه موزع بمرحلته المتوسطه وقلت له يحذر ربعه معاد يتصلوا فيك ..
انتهت اول مكالمه لي بقفل الخط بدون كلمة شكر ..
بعد شهور دق يطمن بس ..
ارتحت له بطريقه غريبه مع انو قبل فترره شرشحت دكتور سال عن حالي وقلت له اتوقع امي المريضه مش انا عشان توجه لي اهتمامك ( كان سؤاله عادي بس انا كنت مسويه فرعونه )
اتصاله الثالث كنت مرافقه مع خالتي بمستشفى وهنا كنت انتظره مرره بشووق وما جا على بالي بيرجع يتصل ..
بعد مرور الوقت صرنا اصدقا وطلبني مره اعمل دور اخته عشان اخلصه من خويته اللي كان يحاكيها وكان عذره انه ماعاد يبي يتعبها معه وبيترك المكالمات …وصدقته للاسف .. كنت احسه مثل اخ لي احكي معه وألجاأ له في كل شي يضايقني .. ارسلته مره يراجع لي في الجامعه .. واذا احد تبلاني كان يدافع عني ..
لحد ماقالي بيتزوج .. انهرت نفسيا .. ومشيت معه خطوه بخطوه قابلته مرتين مقابلة اخت ( عذر اقبح من ذنب )
وحضرت زواجه .. وبزواجه كان همه الشاغل انا يدق علي ويراسلني حتى بزفته عينه مافارقت مكاني ..
وبعد الزفه وبالصباح يحاكيني حتى بطريقه للشهر العسل .. واول مارجع عزمته عندي في البيت .. وكانت غلطتي
بدا الحركات الزوجيه معي شوي شوي .. كنت مثل المشتهي ومستحي .. امنعه وقلبي معه ..
غاب ايماني هذيك الايام عني ومع كل ثلاثاء كان يجي عندي قرب عيد ميلاده .. مره سألني وقال انتي مسويه شي قبل طبعا مافهمت السؤال وزعل علي كذا يوم ومارد علي وصرت مثل المدمن بس ادق عليه وابكي واصلي يرد علي .. ورد وفهمني السالفه .. قال انتي مفتوحه او مجربه من قبل ما طلع منك دم يوم حاولت اسوي معك اخر مره .. حلفت له انه اول واحد بحياتي قال خلاص وصار قاسي معي بمكالماته الاخيره .. وقرر يجيني ويزورني بعد فتره جفا طويله شوي وكان دايم يقول انو مو مرتاح بزواجه وكل يوم يتهاوش مع زوجته .. حضر عندي هذاك اليوم وجاب معه لي هديه صلح وشفت بما اني على قولته مافيني سبب يمنع انو اعاشره مارح اقوله لا وفعلا .. صار اللي صار بعد مرور اربع سنين على علاقتنا …( طبعا كان ممنوع عندنا في بيت اهلي اي ثقافه جنسيه حتى الدوره ممنوع نحكي فيها وما كنت اجرا اسال اهلي عن اي شي وبالاصح هذي البيانات سريه)
تردد علي اكثر من مره بعدها صارت زوجته تدق وتسب وتغلط علي وكان يهاوشها ويضربها عشاني وبالايام يغيب وانا احترق ولا اقدر اشكيولا احكي لاحد شو صابني او شو اللي امر فيه ..
بعد سنه تقريبا من هالعلاقه انهدم فيها مستقبلي وصرت بنص الطريق اضطريت اكمل هالعلاقه رغم اني صرت انو موقعي غلط بس وش اسوي ااذا هو الوحيد اللي بيستر علي طريقي صارت مسدوده وبعد الله مالي غيره ..
زوجته دقت على جوال امي وحكت لها كل شي وعن الصور اللي معها ومقاطع الفديو اللي صورها لي ( كان من الحقاره يصورني وانا معه )
ارسلتني امي لابوي وقررت اترك هناك كل شي غلط وابدا حيياة جديده بعيده عنه بالذات ..
استقريت وبديت اعيش حياتي واشتقت لامي .. فتحت المسنجر اللي ماكنت اعرف له ولا اعرف كيف استخدمته .. سوته لي بنت خالي عشان احاكيهم فيه لان مامعي جوال .. وكنت احاكيها واحاكي اختها وكنت احكي لهم على كل شي يصير معي طبعا افتح مسنجري على جهازي اختي من ابوي .. وكانت على وجه سفر لبريطانيا دورة لغات بعد سفرها قفل النت وعشت مع زوجة ابوي بما ان الوالد دايم مسافر .. كنت اطلع واروح واجي معها بحكم اني قلت لبابا وتوسطت لاختي اني اجدد ديكور غرفتها فصرف لها مبلغ عشان التجديدات .. رحنا وتقضينا وخلصت اللي كنت مجمعته عشان اخواني من ابوي ع نهاية الصيفيه رجعت اختي واخوي من بريطانيا وتفاجاات بتغير معامله من زوجة ابوي ..مستعجله ترجعني لبيت جداني .. وبعدها بفتره عرفت السبب .. ابوي جا يتباهي عند اهلي انهم ماعرفوا يربوني … وجايب نسخ بالاالوان لكل خوالي وامي عن محادثاتي بالمسنجر .. مع بنات وشباب .. البنات واعرفهم بس مين هذولي الشباب ؟؟ اكتشفت بعدين انو مو انا اللي اضفتهم اختي قبل تسافر كانت ضايفتهم وانا على بالي المسنجر مثل البلوتوث تضاف الاسماء بمجرد البحث وطبعا هالمعلومه هي قالتها لي وبما ان الجهاز باللغه الانجليزيه مافكرت اتعلم غير ان نفسيتي ماكانت تساعد اتعلم شي جديد ..
كانت تاخذ المحادثات المحفوظه مع بنات خالي وتنسخ الكلمات للشباب وتحكيهم من ايميلي ..
وبعدين لما رجعت لبيت اهلي وبعد فتره طويله دخلت لذات المسنجر وبديت احذف وتعرفت على صاحب دردشة صوتيه وخبرني على كل القصه .. قال انو صديقه له حبيبه وقالت له انو اختها جت البيت وتنام معها بنفس الغرفه وما تقدر تاخذ راحتها ومسويه عليها فاهمه وما فيه طريقه الا كذا عشان تطلع من البيت ..هي سوت كذا عشان اطلع من البيت بس انا ضيعت اخر فرصه اعدل علاقتي مع ابوي ..
طبعا الكل هزاني وشرشحني وانفضح قديمي مع جديدي وانتهت حياتي
الى الان انا منهاره ..
مقدر ادق على الولد يجي يصلح غلطته لان زوجته تملك لي صور واخاف تفضحني كردة فعل ..
ولا اقدر الجا لابوي يوقف معي . لانه بدل ما يشووف حالتي ويسمعني كم كلمة تهز بدني ويوقف معي كأب ويحس انه سبب من اسباب مشكلتي وهو اللي وصلني لهالمرحله جا لعند باب البيت وتشمت مثله مثل اي غريب
ووصعب اروح لخالي اللي كان يقول لكل واحد يتقدم لي لو فيها خير خطبتها لولدي وكان جزء من معاناتي وسبب لتحولي لشخص منحط مثل اللي تحولت له ..
رجعت احاول اقوم حياتي وما برأت لاحد ولا شرحت له خليت اهلي على ظنهم فيني وحاولت اصلح اموري بنفسي .. حاولت ارجع دراستي اللي فشلت فيها وتأخرت فيها بسبب نفسيتي السيئه ..
بس للاسف كنت اروح الجامعه اشوف البنات واجلس ابكي ونفسيتي ماتساعد واجي استاذن من امي اعتذر او اجل ترم .. وترفض تقول ما بقا لك الا جامعتك تخرجي وتوظفي عيشي نفسك ..
بس ما قدرت ..
اخر شي حطمني وصار من فتره شهر 8 بالعربي عام 1443 بفترة زواج ولد خالي اللي كان الكل متوقع انه يتقدم لي وتزوج غيري .. رفضت اروح لان جسمي مرره نحيف ودايم احصل على تعليقات بايخه فاخجل اطلع لمكان رفضت امي واجبرتني احضر العرس وكالعاده حضيت بالتعليقات اللي تسم البدن ..
تقدم واحد لبيت اهلي عمره 26 سنه ووكان طيب وحنون ومتفهم ( افضل صفات لشاب ممكن يتفهم وضعي )
تقدم وطلب وحده من بنات البيت وجت خالته تشووف البنات الل بسن الزواج في بيت جدي وكنت انا وخالتي بس هذاك اليوم انا طلعت عندي موعد مع امي وشافت خالتي بس …
بعد كذا يوم جا الولد وتعرف على جدي وخوالي وشافته البنت من بعيد ورفضته بحجة انو اسمر منها واصغر ..
وصارت شهر كامل تقنعني اقبل فيه ولما اخذت الموضع ضحك عند اهلي صاروا يهاوشوني انتي مو صغيره ومن هالحكي وليش ماتوافقين وعلى بالك احد بيتقدم لك انتي صرتي كبيره ……….. الخ من الحكي ..
وافقت وبديت افكر فيه جديا .. حبيته من الحكي وصاروا اهلي يعلقون على ويضحكون وبديت احب فكرة اني مخطوبه لشخص اخيرا بحس اني في بيت ملكي اخيرا بحس اني انسانه لها مشاعر .. اخيرا احد بياخذ بكلمتي .. اخيرا احد بشكي له همي وافتح له قلبي ….
وجا يوم الاربعا قبل يجي الولد يطلب بشكل رسمي بيوم وسالت خالتي لاخر مره انتي ماتبينه قالت لا ما بيه .. واعتمدنا الموضوع بشكل رسمي بما انه ما حدد البنت اللي يبيها .
ويوم الخميس كانت الصاعقه نزلت المغرب عند اهلي وتصدمني امي تقول قلت لك لا تفكرين فيه خالتك رجعت بكلامها وتبيه ..
حسيت احد خاني بس هالمره من اقرب اهلي ..
حسيت بالقرف من حالي كيف افكر بزوج خالتي .. بديت اتخيلها تقوله انو كنت ابيه ( طبيعتها كذا هي من ايام كنا بالثانوي كانت تطلع فضايحي عند صديقاتي ولا اتوقع تتغير )
حسيت باني مخنوقه وودي ابكي بس اذا بكيت بطلع غبيه هذا نصيب وجاها .. وكل واحد ياخذ نصيبه وجلست اقنع نفسي بفكرة انو كل واحد ياخذ نصيبه ..
بس زاد همي لما دخل خالي يقول تعبت اقنع في الولد اقوله خذ فلانه واترك عنك فلانه ومصر على رأيه حسيت اني ولا شي يعرضني على الرجال وهو رافض ومتمسك باختياره
يقوله البنت فيها كذا وكذا وكذا واكبر منك خذ اللي بعمرك احسن لك والولد يرفض يقول انا مستخير ..
تضاايقت وجلست ابكي الين نمت ..
وصحيت على صوت امي تناديني وتقولي هي اعرف بحالتي وقالت لي يمكن لانها هي كويسه ربي رزقها بالطيب .. ( حسيت اني حقيره في هاللحظات وبديت الوم نفسي على خطا كان سببه ناس كثاار اثروا في نفسي وتربيتي )
وتحملت ورضيت غصب عني وصرت اروح واجهز معها واضحك معها وانصحها بالامور الصح واحارب صديقاتها اللي يلقنونها بكلام ونصايح توديها لعش طلاقها ….
4 شهور وانا معها اجهز وكان العرس عرسي وقلبي في ساعات اذا ما احترق انفجر وكل ما ضاقت بس الدنيا قلت انا اخطيت وهي لا امها تدعي لها وانا كسرت امي فيه فرق بيني وبينها فرق السما للثريا ..
وقبل زواجها ب3 اسابيع اكشتفت ان خالتي تحكي مع ولد وتحبه وكانت تقوله عن كل خطواتها من تطلع البيت ترسله ومن ترجع ترسله سألت الكل اذا هي تحكي زوجها او لا كلهم يقولون الولد رافض يحكي معها وخالي رافض يعطيها رقمه ..
ناظرت من حولي لقيت كل لعاب يطلع منها واللي ماله بالحظ يطيح ..اذا لم تكن ذئبا اكلتك الذئاب ..
انا الان عندي الف مشكله ولا بيدي حل لاي وحده فيهم .. امي الان تحرمني من الطلعه تقول اخاف يصير فيك شي واحد يكتشف بلاك
وماتبي ادق على الولد وتقول حتى لو تقدم مارح نقبل خوفا من زوجته تفضحني
ولا اقدر اخبر احد ولا اقدر اسافر اعالج او اداوي روحي
تمنيت اراجع طبيب نفسي ولا اقدر مجتمعنا يعارض هالشي
واغلب المشايخ اللي احكيهم ابي النصح يسبون ويغلطون ويقوولون عني زانيه وكلام كثير .. انا ادري ان هذا واقعي بس انا غلطت اكيد ماارح اصلح شي من اللي انكسر بس ابي اعالج روحي عشان ماا اعالج الغلط بغلط اكبر من كذا .. حاولت اهرب انتحر بس دايم اذكر ربي وامي وابطل .. اخاف يجي يوم وينسيني ضعفي من انا ..

لقراءة ردود و اجابات الأعضاء على هذا الموضوع اضغط هناسبحان الله و بحمده

محتارة بين اهلى وجوزى ساعدونى ارجوكم

السلام عليكم ورحمة الله وبركاته
بالله عليكم ساعدونى ونزلوا موضوعى لان دى تانى مرة اكتب ومش بينزل ليا حاجه والله محتاجه لكم لانى فى حيرة صعبة اوى ومش عارفه اتصرف
باختصار انا عندى22 سنة ومكتوب كتابى من 4 شهور وجوزى من اسبوعين طلب منى البس النقاب وانا فكرته بيهزر معايا لانه عارف انى مش عاوزه البسه المهم فوجئت لقيته بيسالنى هتلبسيه امته فعرفت انه كان بيتكلم بجد ووقتها معرفتش اتصرف لان انا نظرى ضعيف شوية وبتخنق من اقل حاجه وهو مصمم البسه يعنى البسه فاهلى عرفوا الموضوع ومعترضين انى البسه ووالدى قال لجوزى بنتى لسه فى بيتى وانا اللى احكم عليها اما تجيلك بيتك احكم عليها وطبعا جوزى زعل وقال انى كسرت كلمته مع انى والله قولتله انا مقتنعه بيه بس مش عوزه البسه الوقتى عوزه ااجله شويه حتى لبعد الجواز بس هو رفض والوقتى بيقولى انتى عصيتينى وحرام الست تعصى كلمة جوزها وانا محتارة مش عارفه ارضى مين ولا مين جوزى قالى بسبب المشكله دى فى حاجز كبير بينى وبينك ومش هيتعالج الا لو لبستيه عشان ترضينى وانا اللى هقولك تقلعيه لان خلاص مش عوزك تلبسيه بس ارضاء ليا البسيه فترة واقلعيه عشان احس ان كلامى اللى مشا مش انتى وانا محتارة قولولى اعمل ايه
انا بيجى فى بالى اقنع بابا انى البسه فترة واقلعه عشان ارضى جوزى بس عارفه ان بابا هيرفض وفى نفس الوقت نفسى ارضى جوزى لانه قالى كلمه صعبه اوى انا مش مسامحك ولا راضى عنك وشوفى عقابك من ربنا لانك الوقتى فى حكمى انا ومراتى انا
جوزى الوقتى خدها مساله عند مع اهلى انى البسه واسمع كلامه
وبالرغم من كده انا عارفه ان حرام البس النقاب واقلعه وعليا التزامات كتير لو لبسته وحاسه ان مش هعرف اكون ادها عشان كده مش عوزه البسه وفى نفس الوقت عوزه ارضى جوزى ووالدى ومش عارفه ازاى ارجوكم ساعدونى حتى لو بدعوه منكم

لقراءة ردود و اجابات الأعضاء على هذا الموضوع اضغط هناسبحان الله و بحمده

صديقاتي بالجامعه يضحكون علي: )

السلام عليكم بنات
انا متحطمه مررررره اليوم جيت اشرح عرضنا وانا اتوتر مره قدام البنات واقرى بسرعه ومحد يفهم مني
لا وبعد وانا اشرح فاهمته على كيفي هو موضوع جديد بس قريته بالنت وكل ماقلت شي قالت الدكتوره غلط واسمع .ضحك البنات بس اطنش
بس عادي ماهمني ذا الموقف انا متضايقه لاني احس اني غبيه ومتنحه على طول وماستوعب ولاشي حتى تخيلو المحاضرات اسجلها وارجع اسمعها بالبيت وبعد ماستوعب مرره ولا احل زين بالاختبار ودايم انا اقل درجه بالبنات ويقولون ياعمري رحمتك و انا اقول عادي
دايما احس اني افهم غلط حتى بحياتي اليوميه اذا سولفت مع احد اسلك له لاني مرات مافهم وش قصده ومرات اذا تهاوشت مع احد ماستوعب الا متاخر واتضايق لا ومرات مثلا الدكتوره تهزأ وانا اكون مو مركزه ويعلموني صديقاتي يقولون ترا هي تهزأك مثلا ماسكه جوالي وبعالم ثاني وهي تهزا
بس جد مدري وش اسوي تازمت من كل شي ومن دراستي يعني افهم غلط طيب واذا احد سالني شي بمجالي وماعرفت والله احراج والا بالمستقبل اذا توظفت كيف اتعامل مع الناس
يارب احد يحس فيني انا فاشله وغبيه ومالي فايده: )

لقراءة ردود و اجابات الأعضاء على هذا الموضوع اضغط هناسبحان الله و بحمده

طبع فيني خلا الناس تكرهني

السلام عليكم ورحمة الله
عمري 20 الصراحه انا بعد كارهه نفسي عشان هالطبع اللي هو اني دايم اتكلم عالناس وماعرف امسك نفسي واسكت…. يعني اذا تضايقت من صديقتي اروح عند صديقتي الثانيه واحكي لها مضاربتنا…. يعني مفروض ماعلمها واحل مشكلتي بنفسي ..
اكثر شي متندمه عليه لما تضاربت مع وحده من صديقاتي قريب وسألوني صديقاتي ليش ماصرتي تجلسي معها وانا غبيه على طول علمتهم السالفه حتى ماقدرت ارجع لصديقتي اللي تضاربت معها او اتاسف لها لاني تكلمت عنها…
يعني لو انهيت علاقتي وبس عادي لكن متضايقه لاني تكلمت عنها…. صديقاتي مااشوفهم يتكلمو عن صديقاتهم الا انا بس اتضارب مع وحده اروح اعلمهم… وبعضهم الحين يكلموني ومايدرون اني تكلمت عنهم يعني مثل مره قلت ياالله هذي نشبه ورجعت اسولف معها وهي ماتدري…. ترى مو بيدي هالطبع والله اتضايق واتندم اني تكلمت: "(
حتى اختي مرات تحش فيني عند امي وكل واحد يتكلم عن الثاني يعني اكيد الواحد بيتأثر بأهله …هالايام صرت امسك نفسي لما اختي تغتاب اقول اسكتي لاتغتابي ..بس متضايقه على صديقاتي اللي خسرتهم.. وصديقاتي اللي الحين اجلس معهم وانا متكلمه عنهم ماصرت احبهم مثل اول بسبة هالشي …الصراحه احس انه ضعف شخصيه مني اني مااعرف اتجاهل الناس الفضولين اللي يسألون عن المشاكل و جبن مني اني مااتكلم هالكلام بوجه البنت و اقوله من وراها و نفسي اتغير ومااكرر هالشي بالايام الجايه عشان مااخسر ناس اكثر : (

لقراءة ردود و اجابات الأعضاء على هذا الموضوع اضغط هناسبحان الله و بحمده

داااااايما أفشل أخواني بقهوتي….ساعدوني تكفون

السلام عليكم ورحمة الله وبركاته

انا فااااااشلة في صنع القهوة أقصد طبعا قهوتنا السعودية،،يعني ما أعرف أضبطها مرة ثقيلة ومرة موية بس ..ومرة ومرة,,,,يعني ماتصلح للشرب ،،
واذا طلبوني اخواني اسوي قهوة لاصدقائهم أسوي قهوة تفشل وحااولت اتعلم بس مافي فايدة،،،حتى أهلي طفشوا من قهوتي.. ياليت المحترفة في صنع القهوة تدخل وتقوللي الله يوفقها دنيا وآخرة،،
أنا اعرف إن في طريقة للقهوة وخطوات… وفي وحده الله يرضى عليها قد قالت انها تحمس القهوة وتضيف لها شيء بس نسيت اسمه ،،
تكفون علموني نوع القهوة وطريقة تحميسها وكم اخليها تغلي على النار ووش احط عليها بهارات وبالملعقة الكبيرة والا الصغيرة؟؟
(انا بسوي في ابريق تكون كمية المويه فيه (قد علبة البيبسي العائلة مليان)
معليش ،،ادري كثرت كلام بس من القهر اللي فيني ،،
،ساعدوني الله يفرجها لكم في الدنيا والآخرة

لقراءة ردود و اجابات الأعضاء على هذا الموضوع اضغط هناسبحان الله و بحمده

غدرت بي والأن تقول سامحيني بروح الحج

السلام عليكم

لو لديك صديقه غدرت بك .. وأذتك ..وتكلمت عليك .. وصادقت من يكرهونك ويتمنون لك السوء.. وتتعمد تظهرهم بمظهر جيد على حسابك .. واضيفي لكل هذي الأخطاء انها ماوقفت معك بمحنتك وقفه صديقه.. بينما كان كل الناس حولك كانت هي مشغوله بالزيارات والخروج مع ناس لايحبونك وتجي تقول لك انا ما بعتك وهي ماباعت بس هي بوجهين ومال حيث تميل
قررتي انك تقطعي علاقتك بها وتتركيها .. بدون عتاب لأنك اكتشفتي كل هالأمور بوقت واحد وماقدرتي غير تتركيها بدون ماتجرحيها بكلام وتنزلي لمستوى من نقاشات خاسره وانت بالنهايه خلص بعتيها
وتجي الأن البنت هاي رايحه الحج وتقول انها طالبه السماح
استطيع مسامحتها بقلبي ولكن هل من الضروري ان اخبرها بأني سامحتها!!!
هي غدا صباحا ستسافر وانا طنشت رسالتها اللي تقول لي فيها سامحيني
ناويه اسامحها بقلبي ولكن لا اريد ان تعرف اني سامحتها حتى لا نفتح صفحه جديده مع بعض
اريد ان يبقى الحال كما هو فلا اريدها كصديقه مجدادا
ولا حد يقول لي سامحي وحرام وربك يسامجك لو سامحتي رجاءا اقرأوا ماكتبت جيدا انا قلت مستعده اسامح بقلبي ولكن هل ضروري اقول لها اني مسامحتها علما انها رايجه الحج
ما اعرف هل لازم لما حد يستسمح من الثاني هل لازم الثاني يقول سامحتك ويخبره وإلا عادي المهم اللي بالقلب وبس

لقراءة ردود و اجابات الأعضاء على هذا الموضوع اضغط هناسبحان الله و بحمده