اللي تقدر تنصحني تتفضل تدخل لاني تعبت من التفكير
اخواتي العزيزات
انا متزوجة من سنة تقريبا وقبل الزواج يعني ايام الخطوبة كانت علاقة زوجي مع اهلي جيدة مع وجود بعض الحساسية مش دائما بس في بعض الاوقات زوجي هو الابن الوحيد لاهلو وهم يتدخلون بحياته وطبعا هذا الشي برغبته لان هو مابيتخذ قرار الا بعد الرجوع اليهم في كل صغيرة وكبيرة المهم قبل ليلة دخلتي بيوم واحد صارت مشكلة كبيرة بين امي وامه بس انا وهو كان كل همنا اننا نعديها على خير عشان انا وهو بنحب بعض وماكان بدنا شي ياثر على حبنا وخلاص احنا عزمنا الاهل وكلشي كمل بعدها انسد الموضوع بس بقية امه زعلانة بالرغم من محاولاتي باصلاح الامر بس ماكانت ترضى وتقول الاتجي امك وتعتذر مني في بيتي وبالفعل ماما جت عندي لاني ساكنة معاها بس لانها ما قالت لحماتي انا اسفة مع انها سلمت عليها وكلمتها عادي بس لانها مااعتذرت عن المشكلة اللي صارت بينهم مارضيت حماتي بعدها امي عزمتها وماقبلت تروح بيت اهلي ولهذا السبب انقطعت العلاقات بينهم مرة ثانية وبدات تسوء وبعدها عدت مشاكل صارت قدرت اسيطر عليها بس انا مابعرف باخر فترة صارت مشكلة بين ابي وزوجي وبتحريض من ابوه وامو زوجي كمان صار مابيكلم اهلي ويقولي انتي روحي وشوفيهم بس انا حتى لو شفتهم بالطريق مابسلم عليهم او بكلمهم ولا بصل لبيتهم واهلي كتير زعلانين منو لان بالفعل شافهم واتجاهلهم وماكلمهم ويقلولي لو كان بيقدرك كان قدر اهلك وانا محتارة كيف اتصرف وارجعهم زي زمان وحاليا ماما مرضت بعد مافضلت تبكي عشان مرة انا كنت عند اهلي وجا اخذني وقف عالباب وماقبل يدخل لبيت اهلي يسلم عليهم فضل عالباب لحد ماخرجت انا ورحت عنده انا طولت عليكم كتير بس اعذروني عشان انا بعرف احتمال لو زعلت معو ورجعت بيت اهلي اهلو ممكن زي ماحرضوه على اهلي يخلوه يطلقني وانا هلا حامل 6 اشهر انا ماحكيت معه شي و والله ماني مقصرة معه بشي بس حزينة كتير عشان اهلي وكاتمة حزني بقلبي وما بقدر احكي قلت احكيلكم يمكن حدا يقدملي نصيحة ويارب اللي تنصحني باي شي ربنا يسعدها ويبعد عنها اي مشكلة وتجدها يارب بميزان حسناتها لاني والله والله تعبانة نفسيتي كتيييييير