دمرت مستقبل بنت عمي
مادري اكون غلطانه ولا من قهري سويت الموضوع
كلكم لو تقرن الموضوع بتنصدمون مني و بتتحسبن علي لكن من قهري اللي سويته
انا عمري 25 سنه و متزوجه صديق اخوي وهو اماراتي لكن ساكن حول اربع سنين بالبحرين
حبينا بعض رغم ان مابينا تلفونات ولا شي مجرد بالنضرات وكنا نعرف انه حرام ونخزي الشيطان ماقدرنا فتقدم لي وكنت من الفرحه مادري وش اقول
صار لي وياه ارب سنوات وعندي بنت عمرها 9 اشهر
قبل ثلاث ايام لقيت زوجي بالحمام يبجي دخلت منصدمه وسألته هو يهذي و يصارخ ودموعه للارض و قالي انه ماقدر يتحمل حركات بنت عمي و مسجاته و شفت كل المسجات و صورها اللي تدزها بالحجا كلام حب له قالي انه بالعزيمه اللي سوتها اختي لولادتها هي دخلت له الصاله الخلفيه وحضنته وهو ماقدر يقاوم شي هو واصل لين ابتعدت من نفسها قامت تبجي له ماتبي خطيبها وماتحبه
انا ماتحملت طقيت درب يوم ثاني اللي هو يوم ملكتها و فضحتها قدام الكل و فسخوا الخطبه و كل احد راح بنصيبه ابوي مايبيني ادخل بيته لاني فضحت بنت اخوه
هي بعد ماقصت بالشي اللي سوته هي نزلت دموع زوجي و حضنت حلالي لكن انا شسوي اكيد الحين عائله خطيبها السابق تكلموا عليها عند الناس
خايفه من ربي ينتقم مني خايفه شنو اسوي
مستحيل اتصل لها لانها راح تزفني وتسبني مو لاني خربت خطوبتها هي ماتحبه لكن انا فضحتها قدام الكل
