صابونة القهوة للقضاء على السيليوليت و الخطوط البيضاء و التنحييييف لبشرة صحية

السلام عليكم و رحمه الله و بركاته

ازيكم يا فتوكات يارب تكونو كلكم بخير و صحة و عافية

النهاردة جايبالكم صابونة القهوة من مطبخى حصريا على Fatakat و يارب تفيدكم زى ما فادتنى
الصابونة دى حلوة قوى للقضاء على السيليوليت – فى الذراعين و البطن و الارداف – و كمان الخطوط و التشققات البيضة و الوردية اللى بتبقى على الارداف

مكونات الصابونة
1 ملعقة جنزبيل + 1 ملعقة قرنفل مطحون + 1 ملعقة زيت قرنفل + 3 ملاعق كبيرة بن + 1 صابونى جلسرين مبشورة + 3 ملاعق ماء ساخن

نبشر صابونة الجلسرين

نحط الجنزبيل + القرنفل + زيت القرنفل فى كسروله على نار هادية جدا

نضيف البن

نضيف الماء الساخن و نقلب

نضيف الصابون على الخليط و نقلب لحد ما الصابون يدوب

هتبقى عامله زى صوص الشيكولاته كده

نصبها فى قوالب – انا بستعمل علب الزبادى الفاضى بعد ما بحط جواها فويل

و ندخلها التلاجة لحد ما تجمد – ممكن نسيبها طول الليل –

و ده شكلها بعد ما طلعت من التلاجة

و ندخلها التلاجة لحد ما تجمد – ممكن نسيبها طول الليل –

و ده شكلها بعد ما طلعت من التلاجة

لازم نسيبها يوم كامل برة فى الهواء علشان تنشف و متبوظش لما تستخدميها حاسبى بس الولاد يفتكروها بسكوت بالشيكولاته

طريقة الاستعمال
تدلك المناطق المراد تنحيفها بالصابونة بشكل دائرى و يتم عمل مساج باليد أو بفرشاة االمساج

تلاحظ النتيجة خلال اسبوعين من الاستعمال اليومى المنتظم – اول مرة استخدمها كنت بستعملها مرتين فى اليوم و فعلا فرقت معايا جدا لانى كنت كمان بستعمل معاها فرشة مساج

يارب الموضوع يعجبكم و تستفيدو منه