ادويــــــــه للنفـــــــــــــاس………
السلام عليكم ورحمة الله وبركاته
كيفكم ياكروشات…..الله يسهل لكم الولاده يارب
أبعطيكم طريقة الادويه إلي كنا نعرفها من قبل و هي مفيدة :
أولا اللهوم :
كاس مطحون مو ناعم حيل حلبه نجديه ، نص كاس رشاد نجدي مجروش ،
ربع كاس حبه سوداء مجروشة , ربع ملقه من الفلفل الأسود و الكركم
تخلط كل المقادير مع بعض .
طريقة الاستعمال :
ملعقة كبيره على الريق مع كاس حليب الين تطلعين من
النفاس ونفس الشي مع كل دوره شهريه .
ثانيا التمرة :
تمرة إخلاص معلبه ،رشاد و حبه سوداء (نجديه) كمية الرشاد تكون ضعف الحبه السوداء .سمن بلدي حسب الرغبة(بس مو أكثر من 4 ملاعق ) ,ملعقة فلفل اسود .سيحي السمن وحطي التمرة معاه على نار قصيره وحطي كل المكونات و اخلطيه عدل لا تخلينه يطول على النار أكثر من خمس دقايق ، بعدين حطيه في علبه .
طريقة الاستعمال :
في أي وقت تقدرين تأكلينها بعد طعمها حلو و أحسن شي لما تقهوين (قهوة عربيه طبعا ) حطي في فنجالك شوية مره و هذي تقدرين تأكلينها بعد أيام الدورة الشهرية. وغير هذا لا تأكلين عشان ما يضرك .
بس إلي أهم من الادويه قومت الصبح مع التغذية الزينة .
إن شاء الله تستفيدون …
منقـــــــــــــــول للامانه