ام زوجي بتجيب اجلي
السلام عليكن
انا سيدة متزوجة من 5 سنوات في السنتين الاولى من زواجي كنت اسكن مع بيت عيالي وكان زوجي يشتغل وكان كل شهر يستلم الراتب يعطيه لامة ومن كنت اقولة ليش انا كمان زوجتك يقول هذه امي هو والدة متوفي بس عندة 2 اخوة واختين وماشاء الله كلهم يشتغلون ليش ماتطلب منهم ما ادري ومن كانت امي تجي وتجيبلي اكل ولا اي شي تجي تفتح الثلاجة وتاكل اكلي هي وبناتها ويوم اروح لاهلي تكولي محتاجين غراض جيبيهم من السوك طبعا وتريد اجيبهم على حسابي عشت ايام ضيم حسرة الاكل والشرب
بعدها رحنة لجوء لدولة اجنبية وهناك صار عندي طفل كنت اعتقد اني خلصت من هالسالفة كل يوم والثاني تتصل اريد فلوس وتطلب مبالغ كثيرة وهو يعطيها راتب اللجوء كلة ويوم اكولة اني ابني يحتاج واني احتاج والله يحاسني عالدرهم حسرة اشتري شي الي ولا لابني وحتى ابني جهزتة من الهدايا الي اجتني يوم ولدت امي اتمرضت وصلت الموت وماعندي فلوس سفر اروح اشوفها وامة كل الفلوس بجيبها كل ما اتناقش ويا زوجي بهالسالفة تكون النتيجة الضرب ويكول ماعاجبج طكي راسج بالطوف قبل كم يوم اتصلت امة حاولت افهمها ان الدنيا بالدول الاجنبية غالية كثير واحنة ماعدنة فلوس لكنها زادت مانقصت صارت كل يوم تتصل تكولة حولي فلوس الي معجبني ولدها 2 وبناتها وشغلهم ممتاز وواردهم ممتاز ليش ماتطلب منهم تركض علينة والله حسرة بقلبي كلشي ياناس كولولي شسوي مع هالرجال الي موراضي يصرف على بيتة والعندة والماعندة لامة شسوي والله فكرت اطلك وافتك الله يفرج عنكم ساعدوني
