بنات ياريت تساعدوني
السلام عليكم
اخواتي بالاول اني عمري 15 ودخلت لعالم الجات تقريبا قبل سنة ورأيت شخص اكبر مني سنتين كنت بالبداية اعتبره مثل اخوية والحقيقة ان هو ذو شخصية رائعة وتجبر المقابل ان يحترمها ويحبها بعد فترة تكلمت معاه مرة على انفراد وهذا كان بالجات تعرفت عليه وعرفني عن نفسه حسيت من هذا اليوم اني معجبة بيه وبقيت ادخل هذا الجات وهو كمان و بعد يوم و يوم لما ما اشوفه اكون ناسيته و لما اشوفه اتذكر رغم لما اشوفه منتكلم على انفراد وكلامنا يكون عادي وعن قريب بهالايام مرة تكلمت معاه ايضا على انفراد و بهذا اليوم قال لي انو معجب بيه وانو عينه عليه من فترة و يريد ياخذ رأيي بهذا شعوره وانا ولا عرفت اقله اي شي غير انو قلت له ارتاح يعني بين قوسين نفس الشعور بس ما قلت له اني معجبة بيه او اني يمكن احبه وطلب ايميلي واعطيته ايميلي وهسة دنتكلم عالايميل جاني احساس غريب يقول لي انا مو معجبة بهالشخص ولا شي وانا فهمت نفسي غلط بعدين حاولت ابعد عنه يومين وما كلمته عرفت انو احساسي الغريب هو خاطئ لأني تعذبت بهاليومين و و رجعت اتكلم معاه بس عالايميل و هو لا شايفني ولا سامع صوتي و لا يعرف رقمي وهسة انا حايرة ولا اعرف اتصرف من افكر بالموضوع اقول لنفسي لازم انسى لخوفي من النهاية وخوفي من الجرح و من اشوفه انسى تفكيري و كل اللي اعرفه اني انا معجبة جدا بالشخص .
و اللي اعرفه عنه ان هو صادق وياي بكلامه و يكلي دائما ثقي بيه و انا احبكِ و ما اعرف عن اي صداقات هو مسويها ويه البنات وشخصيته حلوة و مهذب و يقول ان هو يصوم ويصلي .
و ملاحظة بعد متعارفنا اول مرة بالجات وتكم عن نفسه وانا تكلمت عن نفسي انا حفظت كل كلامه و اكتشفت بأن هو ناسي كل اللي تكلمته عن نفسي مثل البرج ..الخ من الامور و اكتشفت هذا الشي لما بدينا نتكلم عالايميل . يعني ممكن ان هو مومهتم بي من الاصل لهذا نسى كلامي لو هو عادي نسى مثل كل شخص بيننا يسنى؟
بس انا خايفة من ان يكون هذا اللي بينا كلام فاضي و ينتهي بالاخير بنهاية فاشلة و ما عندي اي شجاعة الان ان اتركه لأن اعرف نفسي حتعذب و اظلمه يمكن بأفكاري السوداء .
بنات ساعدوني رجاءا انا اريد ان نبقى سوا و بنفس الوقت ما اريد اخون ثقة اهلي .
شكرا
