تعالو شوفو ايش صار بعزاء ابوي…. وساعدوني
تعالو حياكم …. ادخلو… انا حابه افضفض لكم وانت احكمو …
ولا ادعو لي …حتى انتقاداتكم بتقبلها بصدر رحب وماازعل منكم .. صدقوووني ..
أنا فيني بكوووووة 
"يعني ودي ابكي "
المهم …انا منهااااره بسب موووت ابوي له 3 أسابيع تقريبا …
وموتة الوالد كانت مفاجئه يعني كان طيب ومافيه الا العافيه بس اللهم لا اعتراض ..
قبل شهرين من وفاته كنا نجهز لزواج اخوي اللي بعدي ..طبعا انا البكر ..
والحمد لله كان كامل مكمل والبركة كانت في ابوي الله يرحمه..
المهم تعب ابوي بعد شهر من الزواج ووديناه شيخ قال عين وقرأ عليه
وصار عنده ضيق بالتنفس .. ووديناه المستشفى قالو عنده….,,, ماء في الرئة ..
لازم تنفس صناعي … ودخل العناية يومين وماااااااات … طبعا انا متزوجة وبغربة .. بلغوا زوجي ورحت لهم .. بعد مادفنو ابوي بساعتين ..ماني مصدقة !!!!!!!
صرخت بعد ماشفت العالم والجماعة وانخفض عندي الضغط وكانت في البيت دكتورة جابوها لاختي الصغيرة … 
تعبت بزيادة يعني على الابر تهدأ…
ابوي انسان رائع مسامح طيب اكثر من امي .. وحنون ومايقصر علينا بشي .. جوالات ..زواجات …فساتين ..مدارس خاصة .. يعني الحمدلله .. كان يثق فينا .. ولازم مراقبة امي الله يخليها ..
اللي حصل يابنات اتعبني .. وزاد من حسرتي .. واول مرة احقد وادعي على انسانة بسجوووودي وانا والله ماني راضيه بس غصب عني …
بقولكم ايش صااار..
في عز حزننا وبكانا ودمعتنا اللي مجروحة لرحيل اغلى انسان … حضرت بنت خالتي … وهي تضحك ومبسوطة ومبتسمة والوجه منووور .. وحاطه مكياااج يعني اساس لامع وروووج وظل وردي .. ومناكير فوووشي .. والله هي بعمري .. ومابينا شي علاقتنا حلوة .. بس ماتحضر افراحنا 
.. ولا ولاداتنا … يعني هي ومزاجها ..
والله شفتها بعزاء ولد عمتها .. حزينة وماتضحك ابد وهي وجها جدي يعني ماهي بشوشه … فهمتوني ..
وكانت تناظرني انا واخواتي ووتتابع حالتنا من بعيد بنظرات وطول الوقت على البلاك بيري تكتب ومبتسمه… لالالا انا ماني مصدقة ان فيه ناس كذا …
بالعكس بزواج اخوها قمنا انا واخواتي معها وفساتينا احلى مووووديل وشرفناهم بالقومة والرقص والبشاشة والاستقبال عشان خاطر خالتي لان امي موصيتنا ..
أأأأأه بس
انا صرت ادعي بالحاح ان الله يبلاها بمصيبة اكبر من مصيبتنا … واتحرى اوقات الاجابه .. مادري ليه ؟؟انا من عادتي اسامح والله يابنات ..
والدليل ماني مستوعبه هالحقد اللي وصل فيني ,,
واللي جرحني ان اختي الصغيرة تقول:: ابعدوها عني بس تضحك .. لاتجي عندي …
واختي منهاره جدا والله ماهي مصدقة تقول ابوي راح المستشفى ويرجع .. وبنت خالتي متابعه من بعيد .. وسوالف مع فلانه تسال عن احواله واشتياقها لهم .. وتوعدها بزيارة … واحنا كل ماشفناها بها الانبساط نبكي بزيادة … حتى امي .. الله يرحم حالنا بس ..
واخوي اللي تزوج زي الاطفال يبكي والله دايم قوي ونخاف منه ..بس لما يشهق ويبكي بغرفته بعيد عن عروسته … يقطع قلبنا …
لانه يتذكر تجهيزات ابوي له من شقة وعفش وزواج وحسابات .. تدرون حوسة الزواج ..
لان ابوي ساعده بالتكاليف بحكم ان وظيفته راتبها قليل..
وبس …….
دلوني ياغوالي انا ليه حقدت وهل تصرفي صح ولا من اللوعة اتالم على حالنا
معلومة .. ابو بنت خالتي شوي متقييد يعني .. مو اي شي يدخل البيت من جوالات ومن كاميرا ومن دش ومن لبس ومن صديقات … كانت تقول .. يابختكم في ابوكم ..مدلعكم ….
ماتدري ان ابوي يسالنا بالدخله والخرجه .. ولا نطلع الا مع امي …
وباللبس كنا بسييطين بس كان الذوووق غالب … عندي انا واخواتي
وهي متزوجة وعايشه بفيلا وعندها اولاد واخواتها كلهم عسل ومتداخلين معنا… والله مو ناقصها شي ودلوعة ابوها ,, بس عينها فارغة .. كل شي ودها تحصل عليه …
بس بالعزاء لاتضحك الله يهد اسنانها … ويجعل كيدها في نحرها ..
ياارب سامحني بس ماني قادره انسى ابتسامتها وهي تناظرني انا واخواتي من بعيد ..احس العبرة بتخنقني الله لايوفقها .. المشكلة انها كشرية وعبوسة بس حيرتني ابتسامتها مادري وش تقصد ..
