زوجة عمي تقابل الاحسان بالاساءة ،، انصحوووني
السلام عليكم،، اخواتي كيف حالكن جميييعا من فترة طويلة ماكتبت مواضيع اشتقتلكم،،،،
عندي زوجة عمي عمرها نفس عمري صغيرة مواليد96،، متزوجة من سنة ونص ،، المشكلة انها جاية من بيئة مختلفة جدااا علينا وبصراحة عندها عاداات سيئة يالطيف 
،، من يوم مادخلت للعيلة وهي مشااكل والعيلة كلهم ماحد تقبلها ،، وعاداتها السيئة خلت كل العيلة منزعجين منها ،، بس انا وخواتي كنا دائما نحترموها ،، لأنها زوجة عمي المقرب جدا لنا ،، المهم فاتت السنه ونص وكل مرة نسمعوا كلام واشاعات واخبار كذب في كذب اتقوله علينا زوجة عمي مع اننا الوحيدين في العيلة اللي درنالها قيمة واحترمناها وعاملناها كويس بس الطبع غلاب،،،،، نحنا خلاص تعودنا عليها والحمدلله بدأت تتحسن خاصة معانا لأنها لقت اننا الوحيدين اللي نساعدوا فيها و نبتسموا في وجهها ،، مع العلم اننا واجهناها اكتر من مرة بطريقة مهذبه ومافيش فايدة كل مرة ترجع لعادتها،،،،،،
واخر شي سمعنا انها قالت علينا كلام مرة تانيه وكلام كبيييير بصراحة انا خلاص والله انقهرت و اللي واجعني انها معانا ماشاءالله ضحك وجو حلو ومن ورانا تحكي علينا،
،، والاسبوع هذا هي مقيمة عندنا لأن عمي مسافر وبصراحة نبي انصارحها ونسألها ونعاتبها بس هي حامل وولادتها قريب ،، وامي قالت عيب هي ضيفة عندنا ،،، شن تنصحوني نفتح معاها الموضوع عالأقل تعرف ان كلامها وكذبها عندنا بيه علم واننا عارفين كل شي بس مانبوش المشاكل ،،،، والله احترت وحاسة نفسي منافقة لأني نحكي معاها عادي،، قلبي وجعني منها وهي تبيني بعد ولادتها نكون معاها عشان نساعدها في عمل البيت وفي اطفالها التوأم ،،،،،،،،،،،،،،،،،،، الله يهدييها ويهدينا جميعا
،،،،،،،،، قولولي نحكي معاها او لا؟
