صـــار الغيـــــــــاب اليوم أبرز مزايـــــــــــــــاكـ..
حيرتني واحترت وش هي نواياك
كل مانسيتك جيت تعلن خضوعك
عجزت لأفهم بالهوى كيف مبداك
طبعك غريب ونادر الناس نوعك
مره تجيني قاطع حدود دنياك
تسبق معاذير البطى لي دموعك
في لهفة منها الوله جاوز خطاك
وكن الغلا مستل سيفه يلوعك
ومره احس ان الغلا من بقاياك
ماضمته بين الحنايا ضلوعك
صار الغياب اليوم ابرز مزاياك
واول غيابك مايكمل اسبوعك
قلي امانه ريح البال وش جاك
لا تنطفي بالحب آخر شموعك
عطني عهودك هات يمناك
والي بغيته بالمعاليق طوعك
رهنت شوقي بايع الناس لرضاك
وانهد حيلي من غرايب طبوعك
ابيك تبقى داخل العين ترعاك
لو طحت يصعب بالمحبه طلوعك
مليت صبري واشتكي منك وانهاك
يالله عسى ماصابني مايروعك
هذي حروفي نزفها من سواياك
ترجمتها باحساس ياصل سموعك
اخاف يوم مايجي فيه طرياك
وان جيت ترجع مايسرك رجوعكـ
