كفتة الارز

كل كيلو لحمه مفروم تحطي عليه 2 كوب رز يعني نص كيلو ملحوظه دي كميه الرز و هو سليم يعني قبل ما تطحنيه لان طبعا لو عايرتي و هوه مطحون هايكون اكتر
و بصله صغيره و 2 فص ثوم
نعناع جاف بيدي طعم حلو
خضره
ملح و فلفل
بتفرمي الخليط اكتر من مره او تخلي الجزار يعملهولك لحد ما يطلع ناعم اول
تعبي في اكياس في الفريزر
او تصبعيه و تشيليها في اطباق في الفريزر

و تقليه و قت الاستخدام تاكليه كده او بالصلصه
و هاقولك ازاي
بتحطي سمن مع ثوم مع كسبره مله و فلفل وممكن شطه صغيره و تحطي الصلصه لحد ما تتسبك
ملحوظه مهمه ما تحطيش الكفته فوق الصلصه الا قبل التقديم علي طول علشان ما تشربش مايه
بتحطيها و تسبيها علي نار هاديه شويه و بتطفي عليها
و بالهنا و الشفا