:::: لاخنت شخص لاتحاول تواسيه . . . جلدن ماهو جلدك على الشوك جرّه !!! ::::
… الشوك …
الظاهر تعود على اللي يسويه
ان قلت له مجروح صد وتبرّه
ماهمه اللي صار في قلب مغليه
جلدن ماهو جلدك على الشوك جرّه
الجرح جرح القلب وازليت اداويه
وياحرة المشتاق الفين حرّه
ماجاه مني غير حاضر ولبيه
وما جاني منه غير هم ومضرّه
له في عيوني نظرته كلها ليه
ونجمه غلا عدّت حدود المجرّه
ولي في عيونه آهتن تشتعل فيه
حلمن وقف لي والمكافي المرّه
لا خنت شخص لاتحاول تواسيه
اللي حصل ما عاد ينساه مرّه
ولاصرت متعود على اللي تسويه
جلدن ماهو جلدك على الشوك جرّه
الشاعر / سعود البابطين
