للصبر حدود
السلام عليكم ورحمة الله وبركاته
اليوم اول مرة في حياتي بشكي مشكلتي ……….
بصراحة انا متزوجة من 11 سنة بس ولا كاني متزوجة يعني بالعربي زوجي عديم الاحساس
خير شر احس ان حاسة الحب ما عندو من اول زواجنا كنت اتشيك والبس واتجهز عمره ما قالي كلمة حب طفشت من حياتي كرهت حياتي لا تقولو حاولي تغيري اسلوبو حاولت الين كرهت نفسي صبرت على الحلوة والمرة
جزاء صبري كانت الخيانة انا اعرف انو خانني كم مرة ويرجع يتاسف ويقول انو ندمان وانا ارجع انسى واقول يمكن بيتغير بس مافي فايدة اتمنى اسمع كلام حلو بصراحة اشتقت للحب والحنان ما افتكر اخرة مرة متى سمعت كلام حلو منو متى لمسني بحنية حتى الجماع بعيد عني مرة واذا صار شي ياخذ حاجتو وسلام من غير مقدمات الحب والحنان ماني عارفة اش اسوي بصراحة اخر حل وصلتلو اني اطلق ابغى مساعدتكم اش اسوي
صح انا ما وضحت اكتر
بس من جد انا اشوف اني ما عمري قصرت معاها ومن ناحية ان احد يتدخل خليت اختي الكبيرة تكلمو
وتسألو اش اللي مضايقه فيا تدري اش كان ردو والله ولا اي شي بالعكس انها مهتمة فيا وفي كل شي
حتى هيا احتارت وقال طيب اش اللي يخليك زي الحجر ماتحس فيها تراها انسانة
قال لا ما عليكي انا بتغير للاحسن وكتب لي تعهد عشان ما اسيب لو البيت على انو لو ما غير نفسو خلال شهر اقدر اروح بيت اهلي ماعندو مانع ووعدني انو بيتغير بس للاسف ما شفت اي شي
تدري الحين هذا الكلام صايرلو سنة بالضبط
بس مافي اي تغير وبالنسبة للخلفة لا ماعندي اطفال وهوا عارف السبب ما اقدر اكتبو عشان ما احرجو بس والله انسانة انا مرة مايعبرني وجودي في البيت هل هوا مكان الشغالة الله اعلم بس ما احس اني زوجتو اذا دخل البيت بس يجلس يقلب في القنوات واذا خلص منها دخل نام انا ماليا حق اجلس معاه يتسولف معايا مرة ماكاني جالسة في البيت لوحد من غير رجال والله كرهت عمريونا تعبت انهزمت ماعاد فيا اكتر من كذى اتحمل خلاص انا عايشة مع جماد عديم الاحساس الين متى
وش تنصحون زوجي طيب انت بتقولو لي انا طيب هوا المفروض ما يغير نفسو بس احس اللي 11 سنة ماتغير ما اتوقع راح يتغير اتعود على الاهمال
ان الله لا يغير بقومنا الا ما يغيرو ما في انفسهم وهوا بس قول مو فعل يقول بتغير ولا يتغير اش تنصحووني احنا الاتنين اكون شاكرة لكم اتمنى للك حياة سعيدة بعيد عن المشاكل والاهمال
